- కాంగ్రెస్ ఓదెల మండల లీడర్లు
పెద్దపల్లి, వెలుగు : బీఆర్ఎస్, సీఎం కేసీఆర్ కుట్రలకు చెన్నూరు కాంగ్రెస్అభ్యర్థి, మాజీ ఎంపీ వివేక్ వెంకటస్వామి భయపడరని, లక్షల మంది కార్యకర్తలు ఆయన వెంట ఉన్నారని కాంగ్రెస్ ఓదెల మండల లీడర్లు స్పష్టం చేశారు. వివేక్ వెంకటస్వామి ఇండ్లు, ఆఫీసులపై ఐటీ, ఈడీ దాడులను ఖండిస్తూ పెద్దపల్లి జిల్లా ఓదెలలో బుధవారం కాంగ్రెస్ లీడర్లు నిరసన చేపట్టారు.
లీడర్లు మాట్లాడుతూ చెన్నూరు నియోజకవర్గంలో వివేక్ వెంకటస్వామి భారీ మెజార్జీ గెలుస్తున్నారనే సంకేతాలతోనే కేసీఆర్సర్కార్ దాడులు చేయిస్తోందన్నారు. లీడర్లు అల్లం సతీశ్‌, లక్ష్మి, చిన్నస్వామి, గోపతి సదానందం, వీరయ్య, రాజయ్య, లక్ష్మణ్ పాల్గొన్నారు
వివేక్ వెంకటస్వామి ఇంటిపై దాడి గర్హనీయం
కోరుట్ల, వెలుగు : వివేక్ వెంకటస్వామి ఇంటిపై ఐటీ అధికారుల దాడులు హేయనీయమని కాంగ్రెస్ సీనియర్ లీడర్ జువ్వాడి కృష్ణారావు అన్నారు. బుధవారం కోరుట్లలో ఆయన మీడియాతో మాట్లాడుతూ వివేక్ నీతి నిజాయతీకి మారుపేరని, ఆయనపై ఐటీ దాడులు బీజేపీ, బీఆర్ఎస్ మధ్య మైత్రికి నిదర్శనమన్నారు.
చెన్నూరులో బీఆర్ఎస్ అభ్యర్థిని గెలిపించడానికి, బీఆర్ఎస్, బీజేపీ కుట్రలు చేశాయని ఆరోపించారు. దళిత నేత వివేక్ వెంకటస్వామిపై బీజేపీ ఎంపీ ధర్మపురి అర్వింద్ కక్షగట్టారని ఆరోపించారు.
