క్యాష్ రిచ్ లీగ్ 'ఐపీఎల్' ప్రారంభ వేడుకలు అంబరాన్ని అంటేలా నిర్వహించే బీసీసీఐ.. వన్డే ప్రపంచ కప్ 2023 టోర్నీని మాత్రం ఎలాంటి ఓపెనింగ్ సెర్మనీ లేకుండానే ప్రారంభించనుందట. అందుతున్న నివేదికల ప్రకారం.. ఓపెనింగ్ సెర్మనీకి బదులుగా ఇండియా- పాకిస్తాన్ మ్యాచ్ ముందు కానీ లేదా క్లోజింగ్ సెర్మనీ వేడుకలు కానీ ఘనంగా నిర్వహించాలని బీసీసీఐ భావిస్తోందట. ఈ వార్తలు క్రికెట్ ప్రేమికులను ఆశ్చర్యపరుస్తున్నాయి.
అక్టోబర్ 5న తొలి మ్యాచ్
వరల్డ్ కప్ షెడ్యూల్ ప్రకారం.. అక్టోబర్ 5న అహ్మదాబాద్, నరేంద్ర మోడీ స్టేడియం వేదికగా ఇంగ్లండ్- న్యూజిలాండ్ జట్లు తలపడనున్నాయి. దీనికి ఒక రోజు ముందే అంటే బుధవారం (అక్టోబర్ 4) ఓపెనింగ్ సెర్మనీ నిర్వహించాలని అనుకున్నారు. ఈ వేడుకల్లో బాలీవుడ్ ప్రముఖులు రణ్‌వీర్ సింగ్, అరిజిత్ సింగ్, తమన్నా భాటియా, శ్రేయా ఘోషల్, ఆశా భోంస్లేలాంటి వాళ్లు పర్ఫామ్ చేయబోతున్నారంటూ వార్తలు కూడా వచ్చాయి. చివరకు ఇదంతా వట్టిదే అని తేలిపోయింది.
ALSO READ: ODI World Cup 2023: భారత జట్టును వెంటాడుతున్న వర్షం.. వరుసగా రెండో మ్యాచ్ రద్దు
Updates on Ceremony in this World Cup 2023: (Dainik Jagran)
— CricketMAN2 (@ImTanujSingh) October 2, 2023
- No Opening ceremony.
- There will be Closing ceremony or
- A ceremony before IND vs PAK match.
- The presentation have been given to BCCI officals. pic.twitter.com/uGFhM2iqVy
కెప్టెన్స్ డే
ఓపెనింగ్ సెర్మనీ రద్దయినట్లు వార్తలు వస్తున్న నేపథ్యంలో నిర్వాహకులు స్పందించారు. కెప్టెన్స్ డే మాత్రం షెడ్యూల్ ప్రకారమే జరగనున్నట్లు తెలిపారు. ఈ కెప్టెన్స్ డే కోసం వరల్డ్ కప్ లో పాల్గొనే 10 జట్ల కెప్టెన్లు బుధవారం అహ్మదాబాద్ రానున్నారు.
ఏ టోర్నీ అయినా ప్రారంభమయ్యే రోజే ఓపెనింగ్ సెర్మనీ ఉంటుంది. కానీ, బీసీసీఐ పెద్దల ఆలోచనలు క్రికెట్ అభిమానులకు అంతుపట్టడం లేదు. సగం మ్యాచ్‌లు జరిగాక ఓపెనింగ్ సెర్మనీ నిర్వహించాలనుకుంటున్న బీసీసీఐ పెద్దల బుర్రలపై వాళ్ళు పొగడతలు కురిపిస్తున్నారు. ఇండియా- పాక్ మ్యాచ్(అక్టోబర్ 14) రోజు పలువురు రాజకీయ నేతలు హాజరవుతారన్న వార్తల నేపథ్యంలో అదే రోజు ప్రారంభ వేడుకలు ఉండొచ్చన్న అభిప్రాయాలు వ్యక్తమవుతున్నాయి.
— Out Of Context Cricket (@GemsOfCricket) October 3, 2023
