- కేబినెట్ భేటీలో ఆమోదం
భువనేశ్వర్: యూనిఫామ్ సర్వీసుల్లో మాజీ అగ్నివీర్లకు 10 శాతం రిజర్వేషన్ను అమలు చేసేందకు ఒడిశా ప్రభుత్వం ఆమోదం తెలిపింది. గురువారం భువనేశ్వర్లో ఆ రాష్ట్రం సీఎం మోహన్ చరణ్ మాఝీ అధ్యక్షతన కేబినెట్సమావేశం జరిగింది. యూనిఫామ్ సర్వీసుల్లో మాజీ అగ్నివీర్ల కోసం 10 శాతం సీట్లను రిజర్వ్ చేసేందుకు ఒడిశా ప్రభుత్వం.. ఒడిశా ఎక్స్-అగ్నివీర్స్ (యూనిఫాం సర్వర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లకు రిక్రూట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌మెంట్) రూల్స్–2024ను రూపొందించేందుకు ఈ భేటీలో ఆమోదం తెలిపింది.
హారిజంటల్ రిజర్వేషన్ ద్వారా ఒడిశా పోలీసు, అటవీ, ఎక్సైజ్, అగ్నిమాపక, ఇతర యూనిఫామ్ సర్వీసుల్లోని గ్రూప్ సి, గ్రూప్ డి ఉద్యోగాలు పొందేందుకు మాజీ అగ్నివీరులకు అవకాశాలు పెరుగుతాయి. సంబంధిత రిక్రూట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌మెంట్ లోని పోస్టులకు నిర్దేశించిన కనీస అర్హతలను వారు పూర్తి చేస్తే, గరిష్ట వయోపరిమితిలో మూడు సంవత్సరాల సడలింపు, ఫిజికల్ ఫిట్నెస్ టెస్ట్ నుంచి మినహాయింపు ఉంటుంది.
