- సర్వే డ్యూటీలో పాల్గొంటున్న ప్రైమరీ స్కూల్ టీచర్లు
- 50 వేల మంది టీచింగ్, నాన్ టీచింగ్ సిబ్బందితో సర్వే
హైదరాబాద్, వెలుగు: రాష్ట్ర వ్యాప్తంగా బుధవారం నుంచి ప్రభుత్వ ప్రైమరీ స్కూళ్లు ఒంటి పూట పని చేయనున్నాయి. సర్కార్ చేపడ్తున్న సర్వేలో టీచర్లు పాల్గొంటున్న నేపథ్యంలో విద్యాశాఖ ఈ నిర్ణయం తీసుకున్నది. గవర్నమెంట్, ఎయిడెడ్ ప్రైమరీ స్కూళ్లలోని ఎస్జీటీలు, నాన్ టీచింగ్ స్టాఫ్కు సర్వే డ్యూటీలు వేశారు. ఉదయం 9 గంటల నుంచి మధ్యాహ్నం ఒంటి గంట దాకా ప్రైమరీ స్కూళ్లు నిర్వహించాలని అధికారులు ఆదేశించారు. ఆ తర్వాత అందరూ సర్వేలో పాల్గొనాలని సూచించారు.
మధ్యాహ్న భోజనం తర్వాత స్టూడెంట్లను స్కూల్ నుంచి పంపిచేస్తారు. 20వేలకు పైగా ఉన్న ప్రైమరీ స్కూల్స్లో పనిచేసే సుమారు 50వేల మంది టీచింగ్, నాన్ టీచింగ్ సిబ్బంది సర్వేలో పాల్గొననున్నారు. వీరిలో 36,559 మంది ఎస్జీటీలు, 3,414 పీఎస్ హెచ్ఎంలు, ఎంఈవో ఆఫీసుల్లో పని చేసే 6,256 మంది సిబ్బంది, 2వేల మంది నాన్ టీచింగ్ స్టాఫ్ ఉన్నారు. సర్వే నుంచి మినహాయింపు ఉన్న ఉపాధ్యాయులందరూ స్కూల్స్లోనే ఉండాలని విద్యాశాఖ ఉన్నతాధికారులు ఆదేశించారు. సర్వేలో టీచర్లు పాల్గొనని అన్ని స్కూల్స్.. రెగ్యులర్ టైమ్సింగ్ పాటించాలని సూచించారు.
