- ఈసీ దూకుడుతో ఆలోచనలో పడ్డ అధికారులు
- బదిలీతో పోలీసుల్లో కలవరం
- సంక్షేమ పథకాలు, తాయిలాల పంపిణీపై ఎమ్మెల్యేల్లో టెన్షన్
- లబ్ధి అందకుంటే ఓట్లు ఎట్ల అని నేతల సందిగ్ధం
నిజామాబాద్, వెలుగు : ఎన్నికల్లో అధికార పార్టీకి అనుకూలంగా వ్యవహరించాలనే ఆఫీసర్లు, ఈసీ తీరుతో ఆలోచనలో పడ్డారు. లైన్దాటి పనిచేస్తే వేటు వేస్తామని ఎన్నికల కమిషన్ ఇచ్చిన వార్నింగ్తో బేంబేలెత్తున్నారు. సీపీ స్థాయి అధికారినే ట్రాన్స్ఫర్చేయడంతో ఇప్పటికే గట్టి సంకేతాలు వెళ్లాయి. దీంతో పొలిటికల్ సిఫార్సులతో పోస్టింగులు తీసుకున్న ఆఫీసర్లు కలవరం చెందుతున్నారు. మరో వైపు సంక్షేమ పథకాల ఎన్నికల తాయిలాల పంపిణీపై లీడర్ల నుంచి వారికి ఒత్తిడి పెరుగుతోంది.
పైరవీల పోలీస్ పోస్టింగ్లు..
మూడేళ్లు ఒకే జిల్లాలో పనిచేసిన ఆఫీసర్లు లేదా జిల్లా స్థానికత ఉన్న అధికారులను సీఈసీ (ఎన్నికలకమిషన్) ఆదేశాల మేరకు జులైలో ట్రాన్స్ఫర్లు చేశారు. ఈ బదిలీల తెరవెనుక లీడర్లు పెద్ద స్క్రీన్ప్లే నడిపారు. ఎన్నికల టైమ్లో తమకు అనుకూలంగా ఉండే ఇతర ప్రాంత ఆఫీసర్ల సమాచారాన్ని సేకరించి, స్థానికంగా పోస్టింగ్లు ఇప్పించుకున్నారు. ఆగస్టు నెలారంభంలో బోధన్ఏసీపీ కిరణ్కుమార్బదిలీ సంచలనం రేపింది. పొలిటికల్బ్యాక్గ్రౌండ్తో తిరిగి అక్కడే జాయినయ్యారు. అర్బన్, ఆర్మూర్, బోధన్లో బోగస్ ఓట్ల వ్యవహారం దుమారం రాజేసి ఈసీ కమిషనర్ వికాస్రాజ్కు ఫిర్యాదు చేసేదాకా వెళ్లింది.
దీంతో ఆయన పరిశీలకురాలిగా గవర్నమెంట్సెక్రెటరీ క్రిస్టినా జడ్చోంగ్తూను నియమించారు. ఆమె ఇప్పటికే రెండుసార్లు జిల్లాను సందర్శించి ఓటర్లిస్ట్ ను పరిశీలించారు. ఓటర్ల నమోదు విషయంలోనూ లీడర్ల నుంచి ఆఫీసర్లు తీవ్ర ఒత్తిడి ఫేస్ చేశారు. ఒక రిటర్నింగ్ఆఫీసరయితే తన వల్ల కాదని, బదిలీ చేయించాలని 20 రోజుల కింద ఎమ్యెల్యేను కోరడం చర్చాంశనీయమైంది.
పథకాలపై గంపెడాశతో..
దళిత బంధు పథకం తమకు ఓట్లు గుమ్మరిస్తుందని బీఆర్ఎస్ పార్టీ అభ్యర్థులైన సిట్టింగ్ ఎమ్మెల్యేలు గంపెడాశ పెట్టుకున్నారు. ఈ పథకం ఆశచూపే అనేక మందిని పార్టీలో చేర్చుకున్నారు. ప్రభుత్వం నియోజకర్గానికి 1100 యూనిట్లు మంజూరు చేయగా, అంతకు నాలుగింతలు దరఖాస్తులు వచ్చాయి. నెల రోజులు కష్టపడి తమ పార్టీ వారికే లబ్ధి చేకూరేలా ఎమ్మెల్యేలు లిస్ట్ రూపొందించారు. జిల్లాలోని అయిదు సెగ్మెంట్లలో దళితబంధు ఫైనల్ లిస్టు సిద్ధమయ్యే నాటికి ఎన్నికల షెడ్యూల్వచ్చింది.
ఆఫీసర్ల నుంచి షెడ్యూల్కు మందు తేదీల్లో సెలక్షన్ ప్రొసీడింగ్స్ ఇప్పించి, దళిత బంధు పంపిణీ చేద్దామని అనుకున్నారు. ఈ మేరకు తమ కార్యకర్తలకు భరోసా ఇచ్చారు. డబుల్బెడ్రూమ్ ఇండ్లపై ఇదే స్థాయిలో కసరత్తు జరిగింది. ఎన్నికల కోడ్రావడంతో ఆయా పథకాల లబ్ధిదారుల పేర్లపై పాత తేదీల్లో ప్రొసీడింగ్స్రూపొందించేందుకు ఆఫీసర్లు వెనకడుగు వేస్తున్నారు. విషయం ఈసీ దృష్టికి వెళ్తే తమకే ప్రాబ్లమ్స్ఎదురవుతున్నాయని ఆలోచిస్తున్నారు.
