- స్ట్రక్చరల్, నాన్స్ట్రక్చరల్ సేఫ్టీ ఆడిట్ నిర్వహించని అధికారులు
- ప్రతి ఏడాది తనిఖీ చేయాలని విద్యాశాఖ రూల్
- ఫైర్ సేఫ్టీ నిల్.. మాక్ డ్రిల్స్చేయరు
- డిజాస్టర్ మెనేజ్మెంట్ పై అవగాహన కల్పించరు
- గ్రిల్స్, వాచ్మెన్, ఫస్ట్ ఎయిడ్ కిట్స్ కనిపించవు
హైదరాబాద్ సిటీ, వెలుగు: సిటీలోని చాలా ప్రభుత్వ, ప్రైవేట్స్కూళ్లలో కనీస సేఫ్టీ పాటించడం లేదు. హైదరాబాద్ జిల్లాలో మొత్తం ప్రభుత్వ, ప్రైవేట్స్కూళ్లు కలిపి 3,300 పైగానే ఉన్నాయి. ఇందులో 691 ప్రభుత్వ స్కూల్స్ఉన్నాయి. విద్యా శాఖ రూల్స్ ప్రకారం ప్రతి స్కూల్లో ప్రతి ఏడాది తప్పనిసరిగా స్ట్రక్చరల్, నాన్ స్ట్రక్చరల్ఆడిట్ నిర్వహించాలి. స్కూళ్లలో డిజాస్టర్మేనేజ్మెంట్, ఫైర్సేఫ్టీ కిట్స్, సీసీటీవీలు, వాచ్మెన్, గ్రిల్స్ ఏర్పాటు ఇలా పలు రకాల నిబంధనలు అమలు చేయాలి.
వీటన్నింటిని చెక్ చేయడానికి ఆడిట్ నిర్వహించాలి. అయితే అధికారులు పట్టించుకోకపోవడంతో విద్యార్థుల భద్రతపై ప్రశ్నలు తలెత్తుతున్నాయి. ఇటీవలే రంగారెడ్డి జిల్లాలోని ఓ స్కూల్లో గేట్ మీదపడి ఓ విద్యార్థి ప్రాణాలు వదిలాడు. ఇలాంటి ఘటనలు జరిగినప్పుడు మాత్రమే అధికారులు హడావిడి చేసి తర్వాత పట్టించుకోవడం లేదు.
పాత బిల్డింగుల్లో పాఠశాలలు
సిటీలో చాలా స్కూల్స్పాత బిల్డింగుల్లో కొనసాగుతున్నాయి. సర్కారు స్కూళ్లకు పక్కా బిల్డింగులు లేకపోవడంతో.. అద్దె భవనాల్లో నిర్వహిస్తున్నారు. వీటిల్లో కనీస వసతులు, సేఫ్టీ మెజర్మెంట్స్ అసలే లేవు. కొన్ని బిల్డింగుల్లో అప్పుడప్పుడు విద్యార్థులపైన పెచ్చులూడుతున్నాయి. అసలు స్కూల్ బిల్డింగ్స్ ఎంతవరకు సేఫ్? రూఫ్, ఫ్లోర్ స్టోరేజీ, గోడలు బలంగా ఉన్నాయా? ప్రహరీ ఎలా ఉంది? అనే విషయాలను ఏదైనా సంస్థ, నిపుణులతో ప్రతి ఏడాది సేఫ్టీ ఆడిట్ నిర్వహించాలి.
రిపోర్టును కేంద్ర ప్రభుత్వ యూడీఐఎస్ఈలో సమర్పించాలి. అలాగే స్కూళ్లలో నాన్స్ట్రక్చరల్ ఆడిట్ కూడా నిర్వహించాలి. పిల్లలకు ఎలక్ట్రికల్స్, కంప్యూటర్స్, ల్యాబ్ఎక్విప్మెంట్స్ ఎలా ఉపయోగించాలో చెప్పాలి. కానీ, ఏ స్కూల్లోనూ ఈ రూల్స్పాటించలేదు. అసలు చాలామందికి ఈ రూల్స్ఉన్నాయన్న సంగతి కూడా తెలియదు.
మాక్డ్రిల్స్ ఎక్కడ
డిజాస్టర్ మేనేజ్మెంట్ ప్లాన్లో భాగంగా స్కూళ్లలో ఏదైనా ప్రమాదం జరిగితే విద్యార్థులు తమను తాము ఎలా రక్షించుకోవాలి? ఇతరులను ఎలా రక్షించాలి? అన్నది తెలియజేసేందుకు మాక్డ్రిల్స్నిర్వహిస్తూ ఉండాలి. అగ్రి ప్రమాదాలు, వరదలు, తుఫానులు సంభవించినప్పుడు ఏ విధంగా ఎదుర్కోవాలో.. డిజాస్టర్ మేనేజ్మెంట్ టీమ్స్సహకారంతో స్టూడెంట్స్కు అవగాహనకల్పించాలి. ఫైర్సేఫ్టీ కిట్స్ఏర్పాటు చేయాలి. వాటిని ఎలా వాడాలో చెప్పాలి.
స్కూల్ప్రాంగణంలో సేఫ్టీ గైడ్లైన్ బోర్డు, ఫస్ట్ ఎయిడ్కిట్స్ఏర్పాటు చేయాలి. ఒకవేళ స్కూల్బిల్డింగ్రెండు మూడు, అంతకు మించి అంతస్తులుంటే బాల్కనీల్లో గ్రిల్స్ఏర్పాటు చేయాలి. స్కూల్ కు సమీపంలో ఉన్న రోడ్లపై మున్సిపల్శాఖ సహకారంతో జీబ్రా క్రాసింగ్ గీయాలి. స్కూల్లో వాచ్మెన్ లేదా సెక్యూరిటీ సిబ్బందిని నియమించుకోవాలి. ఈ నిబంధనలన్నీ ప్రభుత్వాలు దృష్టి పెట్టకపోవడం, అధికారులు పట్టించుకోకపోవడం వల్ల కాగితాలకే పరిమితమయ్యాయి. ఇకనైనా స్కూళ్లపై దృష్టి పెట్టి పిల్లల భద్రతకు భరోసానిచ్చి రంగారెడ్డి జిల్లాలో జరిగిన లాంటి ఘటనలు పునరావృతం కాకుండా చర్యలు తీసుకోవాలని తల్లిదండ్రులు కోరుతున్నారు.
