![హైవేకు భూసేకరణ పై కదలిక](https://static.v6velugu.com/uploads/2024/07/officials-are-ready-for-land-acquisition-for-national-highways-in-mahabubabad-district_kbnQ1z4GNy.jpg)
- జిల్లాలో ఎన్ హెచ్ 163 జీ, 930పీ ఎన్ హెచ్ల నిర్మాణం
- సీఎం ఆదేశాలతో అధికారులు అలెర్ట్
మహబూబాబాద్, వెలుగు : మహబూబాబాద్ జిల్లాలో జాతీయ రహదారుల భూ సేకరణ కోసం అధికారులు రెడీ అయ్యారు. ఇటీవల సీఎం రేవంత్ రెడ్డి కలెక్టర్, ఇతర ఆఫీసర్లతో సమీక్ష నిర్వహించి, ఈ మేరకు ఆదేశాలిచ్చారు. ఫీల్డ్ విజిట్ చేసి రైతులతో మాట్లాడి ఇబ్బందులు లేకుండా చూడాలని చెప్పారు. దీంతో అధికారులు ఆ దిశగా కసరత్తు చేస్తున్నారు. గతంలో ఆఫీసర్లు భూ సర్వే నిర్వహించినా పలు సమస్యలు ఎదురయ్యాయి.
భూ రికార్డుల్లో ఒకరి పేరుండగా.. సాగు మరొకరు చేస్తూ ఉండటంతో అసలు రైతులకు కొంతమందికి నోటీసులు అందలేదు, మార్కెట్ రేట్ కంటే తక్కువ రేట్ కోట్ చేయడం, అసైన్డ్ భూముల విషయం తేలకపోవడంతో సేకరణలో ఆలస్యం ఏర్పడింది.
జిల్లాలో ఎన్హెచ్ పనులు
- జిల్లాలో ఆయా చోట్ల ఎన్ హెచ్ 930 పీ హైవే భూ సేకరణలో ఆలస్య ం జరిగింది.
- ఓఆర్ఆర్ గౌరెల్లి నుంచి భద్రాద్రి కొత్తగూడెం వరకు నిర్మించే ఎన్హెచ్ 930 పీ పనులు
- మహబూబాబాద్ జిల్లాలోని పెద్దవంగర, తొర్రూరు, నెల్లికుదురు, మహబూబాబాద్ నుంచి బయ్యారం మండలంలోని నామాలపాడు వరకు కొనసాగుతాయి.
- సూర్యాపేట జిల్లా తిరుమలగిరి నుంచి మహబూబాబాద్ జిల్లా పెద్దవంగర మండల కేంద్రం వరకు ఎన్ హెచ్ 930పీ నిర్మాణ పనులు వేగంగా కొనసాగుతున్నాయి. బ్రిడ్జీల పనులు మినహా మిగిలిన పనులు పూర్తయ్యాయి.
- తొర్రూరు మండలం నుంచి బయ్యారం మండలంలోని నామాలపాడు వరకు 68.9 కిలో మీటర్ల రోడ్డు నిర్మాణం కోసం భూ సేకరణ పూర్తి కావాల్సి ఉంది. దీని కోసం రూ.675.45 కోట్ల కేటాయించారు. విద్యుత్ స్థంబాల తొలగింపు, మిషన్ భగీరథ పైపు లైన్లు మార్చడంపై ఆఫీసర్లు అంచనా వేస్తున్నారు. ఇటీవల ఆఫీసర్లు భూ సేకరణకు సంబంధించి సవరణ బహిరంగ ప్రకటన జారీ చేశారు.
- 163జీ రహదారి కోసం 659.01 ఎకరాలు అవసరం ఉంది. నాగ్పూర్ నుంచి విజయవాడ వరకు ఎన్ హెచ్ ఐ పరిధిలో నిర్మించే నాలుగు లైన్ల 163జీ, నేషనల్ గ్రీన్ ఫీల్డ్ హైవే మహబూబాబాద్ జి ల్లాలోని కేసముద్రం మండలం కోరు కొండ పల్లి గ్రామం నుంచి, ఇనుగుర్తి, నెల్లికుదురు,కురవి మండలాల ద్వారా డోర్నకల్ మండలం వెన్నారం గ్రామం వరకు సుమారు 51 కిలో మీటర్ల మేర ఉండనుంది. దీని కోసం 18 గ్రామాల పరిధిలో 659.01 ఎకరాల భూ సేకరణ
- జరగాల్సి ఉంది.
పనులు స్పీడప్ చేస్తున్నాం
జిల్లాలో జాతీయ రహదారుల విస్తరణ కోసం భూ సేకరణను వేగవంతం చేస్తున్నాం. ప్రభుత్వం ఆదేశాల మేరకు రైతులకు నోటీసులను జారీ చేశాం. భూములు కోల్పోయే రైతులకు రూల్స్ ప్రకారం పరిహారాన్ని ఇస్తాం. రైతులందరితో మాట్లాడి భూమిని సేకరిస్తాం.
- డేవిడ్ , అడిషనల్ కలెక్టర్( రెవెన్యూ), మహబూబాబాద్ జిల్లా