కాగజ్ నగర్, వెలుగు : కాగ జ్ నగర్ నుంచి మహారాష్ట్రకు అక్రమంగా 25 క్వింటాళ్ల రేషన్ బియ్యం తరలిస్తున్న వాహనాన్ని అధికారులు పట్టుకున్నారు. సివిల్ సప్లై ఎన్ఫోర్స్మెంట్ డీటీ శ్రీనివాస్, సిర్పూర్ టీ పోలీసులు గురువారం తెల్లవారు 3 గంటలకు సిర్పూర్ టీ సమీపంలోని రైస్ మిల్లు కాలనీ వద్ద వాహనాన్ని తనిఖీ చేయగా.. అందులో 25 క్వింటాళ్ల రేషన్ బియ్యం దొరికాయి. బియ్యం లోడుతో సహా వాహనాన్ని సీజ్ చేసి , బియ్యం తరలిస్తున్న కాగజనగర్ కు చెందిన సయ్యద్ షహబాజ్,మండోరే పవన్ కల్యాణ్పై కేసు నమోదు చేసినట్టు డిప్యూటీ తహసీల్దార్ శ్రీనివాస్ తెలిపారు.
