జగదేవపూర్, వెలుగు: సిద్దిపేట జిల్లా జగదేవపూర్ మండలంలోని తీగుల్ నర్సాపూర్ సమీపంలోని ప్రసిద్ధ పుణ్యక్షేత్రం కొండపోచమ్మ ఆలయ హుండీని అధికారులు మంగళవారం లెక్కించారు. అమ్మవారికి 86 రోజులకు రూ. 8,04,353 ఆదాయం వచ్చినట్లు ఆలయ ఈవో రవి కుమార్, దేవాదాయ శాఖ ఇన్ స్పెక్టర్ రంగా రావు తెలిపారు.
కార్యక్రమంలో మాజీ సర్పంచ్ రజీత రమేశ్, ఆలయ సిబ్బంది వెంకట్ రెడ్డి, కనకయ్య, పూజారులు మల్లయ్య, లక్ష్మణ్, కొండయ్య, తిరుపతి, గోవర్దన్, తదితరులు ఉన్నారు.
