- మాజీ ఆర్వో నరేందర్ అవినీతితో మున్సిపాలిటీకి భారీ నష్టం
- నిజామాబాద్ నగరంలో ట్యాక్స్ తేడాలను ఇప్పటికే గుర్తించిన అధికారులు
- టౌన్ ప్లానింగ్, రెవెన్యూ సెక్షన్ ప్రక్షాళన షురూ
నిజామాబాద్, వెలుగు: నిజామాబాద్ మున్సిపల్ కార్పొరేషన్ పరిధిలోని ప్రాపర్టీ ట్యాక్స్రీసర్వేకు అధికారులు సన్నద్ధమవుతున్నారు. ఇన్ఛార్జ్ రెవెన్యూ ఆఫీసర్ దాసరి నరేందర్అక్రమాలు వెలుగులోకి వచ్చాక కమిషనర్ యువ ఐఏఎస్ఆఫీసర్ మంద మకరంద్ ప్రక్షాళన మొదలుపెట్టారు. ఇన్నాళ్లు నగర పాలన ఖజానాకు గండిపెట్టారని గుర్తించి బిల్డింగ్ ట్యాక్స్లు రీసర్వే చేయించేందుకు సిద్ధమయ్యారు. దీంట్లో భాగంగా టౌన్ ప్లానింగ్, రెవెన్యూ శాఖల్లో మార్పుచేర్పులు చేస్తున్నారు.
కమర్షియల్ ఏరియాలపై దృష్టి
నగరంలో మొత్తం 60 డివిజన్‌‌‌‌ల పరిధిలోని కార్పొరేషన్‌‌‌‌లో 81,604 భవనాలకు ట్యాక్స్లు వసూలు చేస్తున్నారు. ఇందులో 70,928 రెసిడెన్షియల్ కాగా నాన్ రెసిడెన్షియల్ ఆస్తులు5,376 ఉన్నాయి. ఈ రెండింటి పరిధిలోకి రాని భవనాలు 5,300, రాష్ట్ర గవర్నమెంట్ బిల్డింగ్లు 234, సెంట్రల్ గవర్నమెంట్కు చెందిన ఆస్తులు ఏడు ఉన్నాయి. ఏటా రూ.84 కోట్లు వీటి నుంచి ట్యాక్స్ల రూపంలో వస్తోంది. బిల్డింగ్ కొలతల ప్రకారం ట్యాక్స్ విధిస్తారు. కమర్షియల్ కాంప్లెక్స్‌‌‌‌ల నుంచి అధిక ట్యాక్స్వస్తోంది.
టీఎస్బీపాస్ ద్వారా బిల్డింగ్ పర్మిషన్లు, ట్యాక్స్ ఫిక్సేషన్ టౌన్ ప్లానింగ్, రెవెన్యూశాఖలు చూస్తాయి. వ్యాపార, వాణిజ్య సంస్థలు అధిక సంఖ్యలో ఉన్న ఖలీల్వాడీ, సరస్వతీనగర్, గాంధీ చౌక్, ఓల్డ్, న్యూబస్టాండ్, వినాయక్నగర్, ఆర్యనగర్, ఆర్మూర్ రోడ్లోని షాప్ల నుంచి తక్కువ ట్యాక్స్వస్తున్నట్లు తేల్చారు. భవనాల కొలతలు తక్కువ నమోదు చేయడం, కమర్షియల్కింద పరిగణించాల్సిన ప్రైవేట్హాస్పిటల్స్ను మిక్స్డ్ కింద నోట్ చేసినట్లు గుర్తించారు. ఒక భవనం నుంచి ఏడాదికి రూ.30 వేలు ట్యాక్స్ వసూలు అవుతుంటే.. పక్కనే ఉన్న మరో బిల్డింగ్ నుంచి రూ.3 లక్షల ఆస్తి పన్ను వసూలవుతున్న తీరును గమనించారు.
పాలనలో ప్రక్షాళన
కొత్తగా బిల్డింగ్ కొలతల బాధ్యతలను ఔట్సోర్సింగ్ఎంప్లాయిస్ నుంచి తీసేశారు. కమర్షియల్ బిల్డింగ్‌‌‌‌లను ఐడెంటీఫై చేసి వాటిని రీసర్వే చేయించాలని నిర్ణయించారు. టౌన్ ప్లానింగ్, రెవెన్యూ డిపార్ట్మెంట్లో ఏండ్ల తరబడి పాతుకుపోయిన ఉద్యోగుల బాధ్యతలు మార్చారు. కొత్తగా వచ్చిన ఎంప్లాయిస్కు ఈ రెండు వింగ్లపై ట్రైనింగ్ ప్రొగ్రాం నిర్ణయించారు. బిల్డింగ్ పర్మిషన్ల కోసం పర్సనల్గా దరఖాస్తుదారులు రావొద్దని టీఎస్బీపాస్ద్వారానే సేవలు పొందాలని ఆదేశాలు జారీ చేశారు. రోజూ మధ్యాహ్నం 3 గంటల తర్వాత సిటిజన్స్కు అందుబాటులో ఉండాలనే కమిషనర్ మకరంద్నిర్ణయంతో యంత్రాంగం మొత్తం అప్రమత్తమైంది.
