హైదరాబాద్, వెలుగు: ఎంటెక్, ఎంఫార్మసీ తదితర కోర్సుల్లో ప్రవేశాల కోసం నిర్వహించిన పీజీఈసెట్ అడ్మిషన్ షెడ్యూల్ను అధికారులు మార్చారు. ఫార్మసీ కాలేజీలకు ఫార్మసీ కౌన్సిల్ ఆఫ్ ఇండియా (పీసీఐ) ఆలస్యంగా గుర్తింపు ఇవ్వడంతో కొత్త షెడ్యూల్ ఇచ్చినట్టు అడ్మిషన్ల కన్వీనర్ రమేష్ బాబు తెలిపారు.
ఈ నెల 27, 28 తేదీల్లో వెబ్ ఆప్షన్ల ప్రక్రియ ఉంటుందని, 29న ఆప్షన్లను ఎడిట్ చేసుకోవచ్చన్నారు. సెప్టెంబర్ 1న సీట్ల అలాట్ మెంట్ ఉంటుందని వెల్లడించారు. సీట్లు పొందిన విద్యార్థులు వచ్చే నెల 5లోగా కాలేజీల్లో చేరాలని సూచించారు.
