ట్రిపుల్ ఆర్ త్రీజీ రిలీజ్ ....ల్యాండ్ డిటైల్స్ 'భూమి రాశి' పోర్టల్లో అప్లోడ్

చౌటుప్పల్ పరిధిలో 21 నుంచి డాక్యుమెంట్ సేకరణ
మొదటి 'కాలా'లో 70 శాతం సేకరణ పూర్తి
త్వరలో భువనగిరి త్రీజీ

యాదాద్రి, వెలుగు : రీజినల్రింగ్రోడ్డు (ట్రిపుల్ఆర్) కోసం భూసేకరణపై పెండింగ్లో ఉన్న చౌటుప్పల్ఏరియా పరిధిలో త్రీజీ నోటిఫికేషన్ను అధికారులు రిలీజ్ చేశారు. భువనగిరికి సంబంధించిన త్రీజీ నోటిఫికేషన్నేషనల్హైవే అథారిటీ వద్దకు చేరింది. దీన్ని త్వరలోనే రిలీజ్ చేయనున్నారు. ట్రిపుల్ఆర్ ఉత్తర భాగం యాదాద్రి జిల్లా తుర్కపల్లి మండలం వీరారెడ్డి పల్లెలో ఎంటర్అవుతోంది.

అక్కడ నుంచి ఐదు మండలాల్లోని 24 గ్రామాల మీదుగా చౌటుప్పల్లో ఎండ్ కానుంది. జిల్లాలో మొత్తంగా 59.33 కిలోమీటర్ల రోడ్డు నిర్మాణం కానుంది. భూ సేకరణకు సంబంధించి తుర్కపల్లి, యాదగిరి గుట్ట మండలాలకు యాదాద్రి అడిషనల్ కలెక్టర్ను, భువనగిరికి ఆ డివిజన్ ఆర్డీవోను, చౌటుప్పల్, వలిగొండలకు చౌటుప్పల్ ఆర్డీవోను కాంపిటెంట్ అథారిటీ ఫర్ లాండ్ అక్విగిషన్ (కాలా)గా నియమించారు.

తుర్కపల్లి, యాదగిరిగుట్ట భూ సేకరణకు సంబంధించి గతంలోనే త్రీజీ నోటిఫికేషన్ విడుదలైంది. చౌటుప్పల్, వలిగొండ పరిధిలో సేకరించే 792 ఎకరాల్లో పెండింగ్లో ఉన్న భూమికి త్రీజీ నోటిఫికేషన్ను తాజాగా విడుదల చేశారు. ఈ రెండు ఏరియాలకు సంబంధించి సేకరించే భూముల వివరాలను 'భూమి రాశి' పోర్టల్లో ఇప్పటికే అప్లోడ్ చేశారు. చౌటుప్పల్ కు సంబంధించి ఈనెల 21 నుంచి 25 వరకు చౌటుప్పల్, వలిగొండ తహసీల్దార్ల ఆఫీసుల్లో రైతులతో సమావేశాలు నిర్వహించనున్నారు.

ఈ సమావేశాల్లోనే రైతులు, వెంచర్లు, ప్లాట్ల ఓనర్లు తమ భూములకు సంబంధించి డాక్యుమెంట్స్తోపాటు ఆధార్, బ్యాంక్అకౌంట్ నంబర్లు అందించాల్సి ఉంది. డాక్యుమెంట్లు అందించని వారికి భూమి రాశి పోర్టల్లో నమోదైన భూములు, విలువ ఆధారంగా అవార్డు ప్రకటిస్తారు.

తుర్కపల్లి పరిధిలో 70 శాతానికి పైగా..

యాదాద్రి అడిషనల్ కలెక్టర్ పర్యవేక్షిస్తున్న తుర్కపల్లి, యాదగిరిగుట్ట పరిధిలో వీరారెడ్డి పల్లె, కోనాపురం, దత్తాయిపల్లి, ఇబ్రహీంపూర్, వేల్పల్లి, మల్లాపూర్, దాతరుపల్లి గ్రామాల్లో 510 ఎకరాలను సేకరిస్తున్నారు. ఈ భూములు కోల్పోతున్న రైతులు, ఐదు వెంచర్లు, ప్లాట్ల ఓనర్ల నుంచి ల్యాండ్ డాక్యుమెంట్స్, ఆధార్, బ్యాంక్అకౌంట్స్నంబర్ల సేకరణ కొనసాగుతోంది. అయితే యాదగిరిగుట్ట మండలం దాతరుపల్లిలోని 52 సర్వే నంబర్, సబ్ సర్వే నంబర్లో ధరణి నక్షల కండాస్ట్రల్ ప్రకారం 17 మంది రైతులకు సంబంధించి 18.33 ఎకరాల ల్యాండ్ఉంది.

ఇందులో ఏడుగురికి సంబంధించిన 6.36 ఎకరాలను ట్రిపుల్ఆర్కు సేకరిస్తున్నారు. 1.20 ఎకరాల స్థలంలోని 45 ప్లాట్లకు సంబంధించి ఇప్పటివరకు ఎవరూ డాక్యుమెంట్స్ అందించలేదు. ఆఫీసర్లు తెలుసుకునే ప్రయత్నం చేసినా ఎవరివో అర్థంకావడం లేదు. ఈ రెండు మండలాల పరిధిలోని దాదాపు 60కి పైగా సర్వే నంబర్లలో 800 మందికి పైగా భూములు కోల్పోతున్నారు. వారిలో 70 శాతానికి పైగా రైతులు తమ డాక్యుమెంట్లను సేకరించారు. ఈ డాక్యుమెంట్ల ఆధారంగానే వారి ఖాతాల్లో ప్రభుత్వం నుంచి అందే 'అవార్డు' సొమ్ము జమ చేస్తారు.

భువనగిరి పరిధిలో..

ట్రిపుల్ఆర్అలైన్మెంట్ను వ్యతిరేకిస్తూ భువనగిరి రైతులు వేసిన కేసును ఇటీవలే హైకోర్టు కొట్టివేసింది. దీంతో భువనగిరి పరిధిలో పెండింగ్లో ఉన్న 75 ఎకరాల కోసం రూపొందించిన త్రీజీ నోటిఫికేషన్ జిల్లా నుంచి నేషనల్ హైవే అధికారులకు చేరింది. ఈ వారంలోనే త్రీజీ నోటిఫికేషన్ రిలీజ్ కానుంది. నెలాఖరులో రైతులతో మీటింగ్ నిర్వహించి.. డాక్యుమెంట్స్ తీసుకోనున్నారు .