- డాక్టర్ల పై కేసులు నమోదు
గ్రేటర్ వరంగల్, వెలుగు: హన్మకొండ సిటీలో పలు నకిలీ క్లీనిక్లను గుర్తించి, డాక్టర్లపై కేసులు నమోదు చేశారు జిల్లా వైద్యారోగ్య శాఖ అధికారులు. శుక్రవారం సిటీలోని ముమ్మరంగా తనిఖీలు నిర్వహించారు. ఈ సందర్భంగా హన్మకొండ జిల్లా డిప్యూటీ డీఎంహెచ్వో మదన్ మోహన్ మాట్లాడుతూ హన్మకొండ టీఎస్ఎంసీ చైర్మన్ డాక్టర్ మహేశ్ ఆదేశాల మేరకు జిల్లా పరిధిలోని ఊరుగొండ గాయత్రి హాస్పిటల్లో నకిలీ డాక్టర్ వెంకట్రాములు, రెడ్డి కాలనీలో ఫస్ట్ ఎయిడ్ సెంటర్లో నకిలీ డాక్టర్ సీహెచ్ భాస్కర్, రాజా రాజేశ్వర్ క్లినిక్లో నకిలీ డాక్టర్ బత్తుల రాజుకుమార్, అంబేద్కర్ సెంటర్లో గాయత్రి క్లినిక్లో ఎ.లకృతి, లక్ష్మి క్లీలినిక్లో టి.శ్రీనివాస్, బాలాజీ క్లీనిక్లో ఆర్.శ్రీకాంత్, వెంకటేశ్వర్లు క్లీనిక్లో లక్ష్మీనర్సింహా, ఫస్ట్ ఎయిడ్ సెంటర్లో ఫార్మ్ డీ చదివి డాక్టర్ అవతారం ఎత్తిన ప్రవీణ్, ఎం.శ్రీనివాస్ పై ఎఫ్ఐఆర్ నమోదు చేయనున్నట్లుగా ఆయన తెలిపారు.
హన్మకొండ నక్కలగుట్టలో హెయిర్ క్రియేషన్స్ సెంటర్కు డీఎంహెచ్వో నుంచి ఎలాంటి పర్మిషన్ లేదని నోటీస్ ఇచ్చినట్లు పేర్కొన్నారు. తనిఖీల్లో ఐఎంఏ డాక్టర్లు అన్వార్మియా, వెంకటస్వామి, అజీత్ పాషా ఉన్నారు. ఇదిలా ఉండగా, కాజీపేట, హన్మకొండ ప్రాంతాల్లోని పలు స్కానింగ్ సెంటర్లను డిప్యూటీ డీఎంహెచ్వో డాక్టర్ యాకూబ్ పాషా , వైద్యాధికారులు అశోక్రెడ్డి, మాధవ రెడ్డి పరిశీలించారు.
