- ఇక్కడి నుంచే అక్రమంగా మిల్లులకు బియ్యం
- ఫేక్ బిల్లులు సృష్టిస్తున్న గోడౌన్ స్టాఫ్
- ఎప్పటి నుంచో సాగుతున్న కాంట్రాక్టర్లు, మిల్లర్ల దందా
- ఆలస్యంగా మేలొన్న సివిల్ సప్లై టాస్క్ఫోర్స్ వింగ్
నల్గొండ, వెలుగు : జిల్లాలో సంచలనం కలిగించిన హాలియా, పెద్దవూర రేషన్ బియ్యం అక్రమ రవాణా కేసు అనేక మలుపులు తిరుగుతోంది. ఈ సంఘటన జరిగిన 14 రోజుల తర్వాత ఇప్పుడు సివిల్ సప్లై డిపార్ట్మెంట్లో కదలిక వచ్చింది. ఈ కేసుకు సంబంధించి పోలీసులు నమోదు చేసిన ఎఫ్ఐఆర్లో నిందితుల పేర్లు తారుమారు చేశారంటూ ‘వెలుగు’లో వచ్చిన కథనానికి స్పందించిన సివిల్ సప్లై టాస్క్ఫోర్స్ అధికారులు శనివారం నల్గొండలోనిసివిల్ సప్లై కార్పొరేషన్ డీఎం ఆఫీసును తనిఖీ చేసి.. రికార్డులను పరిశీలించారు.
కేసులో ఇన్వాల్ అయిన స్టేజ్ వన్, స్టేజ్ 2 కాంట్రాక్టర్ల వివరాలను సేకరించారు. ఎఫ్ఐఆర్లో స్టేజ్ వన్ కాంట్రాక్టర్ పేరు చేర్చకుండా కేసుతో సంబంధం లేని కందుల వెంకట రమణ అనే వ్యక్తి పేరు ను ఏ1గా చేర్చారు. కొద్దిరోజులకే స్టేజ్ వన్ కాంట్రాక్టర్ సమీప బంధువైన వెంకట రమణ పేరును ఎఫ్ఐఆర్ నుంచి తప్పించి.. అమ్మరైసు మిల్లు ఓనర్ రామానుజరెడ్డి పేరును ఏ1గా చేర్చారు.
ఆలస్యంగా మేల్కొన్న సివిల్ సప్లై..
ఈ కేసు విచారణలో సివిల్ సప్లై అధికారులను పోలీసులు ఇన్వాల్వ్ చేలేదు. దీంతో సివిల్ సప్లై ఆఫీసర్లు తమకేమీ పట్టనట్టు వ్యవహరించడమేకాక, అసలు నిందితులను తప్పించే ప్రయత్నం చేసినట్టు ఆరోఫనలు వచ్చాయి. ఈ విషయాన్ని ఆలస్యంగా గుర్తించిన సివిల్సప్లై ఉనన్తాధికారులు శనివారం టాస్క్ఫోర్స్ టీమ్స్ ను రంగంలోకి దింపారు. అసలు కార్పొరేషన్ గోదాంలోకి ప్రైవేటు లారీలు ఎలా వచ్చాయి, స్టేజ్వన్ కాంట్రాక్టర్బదులు పెద్దవూరకు చెందిన స్టేజ్ టు 2 కాంట్రాక్టర్ ఎలా బియ్యాన్ని తీసుకెళ్లాడు, రెండు లారీల్లో ఒకటి మాత్రమే స్టేజ్ 2 కాంట్రాక్టర్ శ్రీనివాసులు పేరు మీద ఉండగా ప్రైవేటు వ్యక్తులకు చెందిన మరో లారీ ఎలా వచ్చింది, కందుల వెంకట రమణను ఎందుకు అరెస్ట్ చేయలేదన్న కోణంలో టాస్క్పోర్స్ అధికారులు ఎంక్వైరీ చేసినట్టు తెలిసింది.
గతంలో ఎంఎల్ఎస్ పాయింట్ల దగ్గర అక్రమాలు జరిగేవి కానీ, ఈ కేసులో రాష్ట్ర గిడ్డంగుల సంస్థ గోదాంకే కాంట్రాక్టర్లు, మిల్లర్లు కలిసి కన్నం వేశారు. సుమారు ఆరొందల టన్నుల బియ్యాన్ని అక్రమంగా తర లించారు. నల్గొండ ఎంఎల్ఎస్ పాయింట్ దగ్గర దింపాల్సిన బియ్యాన్ని గోదాం సిబ్బంది ఫేక్ బిల్లులతో పెద్దవూరలోని అ మ్మ రైస్ మిల్లుకు అక్రమంగా తరలించడం విస్మయానికి గురిచేసింది.
25 లారీల్లో బియ్యం అక్రమ రవాణా...?
రేషన్ కార్డులునన్వారే తాము తీసుకున్న బియ్యాన్ని కేజీకి రూ.11లు చొప్పున తిరిగి డీలర్లకు అమ్ముతున్నారు. ఇలా సేకరించిన బియ్యాన్ని ప్రైవేట్ వెహికల్స్ లో డీలర్లు రహస్య ప్రదేశాలకు తరలిస్తుంటారు. డీలర్ల ద్వారా సేకరించిన పీడిఎస్ బియ్యాన్నే మిల్లర్లు సీఎమ్మా ర్ కింద ప్రభుత్వానికి తిరిగి అప్పగిస్తున్నారు. సీఎంఆర్ కింద పెద్ద ఎత్తున బియ్యం అవసరం కాగా వారు ఏకంగా గోడౌన్ల కే కన్నం వేశారు. బడా మిల్లర్లు, స్టేజ్ వన్, స్టేజ్ 2 కాంట్రాక్టర్లు, అధికారులు కుమ్మకై కార్పోరేషన్ ఈ అక్రమాలకు తెరలేపారు.
నల్గొండ జిల్లాలోనే ప్రతి నెల 25 లారీల్లో బియ్యం వేర్వేరు మిల్లులకు డంప్ అవుతోందని, ఒక్కో లా రీ కి రూ.నాలుగైదు లక్షల లాభం ఉంటుందని చెప్తున్నారు. ఈ లెక్కన పీడీఎస్ బియ్యం పేరిట ప్రతి నెల రూ.కోటి 25 లక్షలు అందరూ కలిసి అక్రమార్జనకు పాల్పడుతున్నట్టు సివిల్ సప్లై ఆఫీసర్ ఒకరు చెప్పారు.
