వంగూర్, వెలుగు: సీఎం స్వగ్రామం కొండారెడ్డిపల్లిలో బుధవారం విద్యుత్ శాఖ ఆధ్వర్యంలో వివిధ శాఖల అధికారులు సోలార్ విద్యుత్ పై ఇంటింటి సర్వే ప్రారంభించారు. సోలార్ విద్యుత్ పైలట్ ప్రాజెక్టు కింద కొండారెడ్డిపల్లిని ప్రకటించడంతో స్పెషల్ ఆఫీసర్ రమేశ్ ఆధ్వర్యంలో సర్వే నిర్వహిస్తున్నారు. 440 ఇండ్లకు వెళ్లి రేషన్, ఆధార్ కార్డు, బ్యాంక్ అకౌంట్, ఫొటోలు, ఇల్లు స్లాబ్ కొలతలు తీసుకున్నారు.
ఇండ్లల్లో 50 కుటుంబాలు అందుబాటులో లేవని, ఆ ఇండ్ల సర్వే సైతం పూర్తి చేసేందుకు చర్యలు తీసుకుంటున్నామని చెప్పారు. ఎంపీడీవో విజయభాస్కర్, విద్యుత్ ఏఈ మేఘనాథ్, విలేజ్ స్పెషల్ ఆఫీసర్ మణిపాల్ నాయక్, ఏపీవో శివశంకర్, ఏపీఎం చంద్రయ్య, మాజీ ఉప సర్పంచ్ వేమారెడ్డి, వెంకటయ్య యాదవ్, కృష్ణారెడ్డి పాల్గొన్నారు.
