కరీంనగర్, వెలుగు: హుజురాబాద్ పట్టణం బస్టాండ్ సమీపంలోని మున్సిపాలిటీకి చెందిన స్థలం కబ్జాకు గురైంది. జమ్మికుంట రోడ్డులోని ఉడిపి హోటల్ పక్కన ఉన్న మున్సిపాలిటీ స్థలంలో కొందరు రాత్రికిరాత్రే గోడ కట్టేశారు. రెండు రోజులు సెలవులు రావటంతో ఆధికారుల కళ్లుగప్పి చకచకా పనికానిచ్చేశారు. మున్సిపాలిటీకి చెందిన ఈ స్థల వివాదం కోర్టులో ఉందని టౌన్ ప్లానింగ్ ఆఫీసర్లు తెలిపారు.
ALSO READ :గురుకుల టీచర్ల.. సమస్యలు పరిష్కరించాలి
నాలుగు నెలల క్రితం ఇదే స్థలంలో సంప్ నిర్మించడానికి ప్రయత్నిస్తే దానిని తొలగించినట్లు చెప్పారు. కోర్టు ఆర్డర్కు విరుద్ధంగా పనులు చేపట్టిన విషయమై కోర్టులో ఫిర్యాదు చేస్తామని పేర్కొన్నారు. మున్సిపల్ స్థల కబ్జా సమాచారం తమకు తెలిసిందని, తగు చర్యలు తీసుకుంటామని మున్సిపల్ కమిషనర్ సమ్మయ్య తెలిపారు.
