యాదగిరిగుట్ట, వెలుగు : బాల్యవివాహాన్ని అధికారులు అడ్డుకున్న ఘటన యాదాద్రి జిల్లాలో జరిగింది. వివరాల్లోకి వెళ్తే.. జనగామ జిల్లా బచ్చన్నపేటకు చెందిన బాలికను, ఆమె మేనబావకు ఇచ్చి పెండ్లి చేయడానికి పేరెంట్స్, బంధువులు నిర్ణయం తీసుకున్నారు. ఈ ఏడాది ఏప్రిల్లో బచ్చన్నపేటలో పెండ్లి చేస్తుండగా సమాచారం అందుకున్న చైల్డ్ ప్రొటెక్షన్డిపార్ట్మెంట్, హెల్ఫ్లైన్ స్టాఫ్ అక్కడికి వెళ్లి పెండ్లిని అడ్డుకున్నారు. అయినా ఈసారి యాదాద్రి జిల్లాలోని మోటకొండూరు మండలం తేరాల గ్రామంలో పెండ్లి చేయడానికి ఏర్పాట్లు చేశారు.
అయితే.. బాల్యవివాహం జరుగుతున్నదని చైల్డ్ హెల్ఫ్ లైన్ (1098)కు సమాచారం అందింది. దీంతో చైల్డ్ ప్రొటెక్షన్డిపార్ట్మెంట్, హెల్ఫ్లైన్స్టాఫ్ తేరాలకు చేరుకొని పెండ్లి నిలిపివేశారు. అనంతరం చైల్డ్వెల్ఫేర్ కమిటీ ఎదుట బాలిక, ఆమె పేరెంట్స్ను హాజరుపరిచారు. దీంతో కమిటీ చైర్మన్ బండారు జయశ్రీ, కమిటీ మెంబర్లు వారికి కౌన్సిలింగ్ ఇచ్చారు. అనంతరం బాలికను సఖి సెంటర్కు తరలించారు. కౌన్సిలింగ్ఇచ్చినవారిలో సీడబ్ల్యూసీ మెంబర్లు రుద్రమదేవి, ఇస్తారి, మల్లేశ్, శివరాజ్, డీసీపీవో పులుగుజ్జు సైదులు, చైల్డ్ లైన్ కో–ఆర్డినేటర్ దశరథ, చైల్డ్ లైన్ సూపర్వైజర్ బాలాంజలి, కౌన్సిలర్ స్వప్న, శ్రీకాంత్, హరిబాబు ఉన్నారు.
