- కలెక్టర్ రాజీవ్గాంధీహనుమంతు
నిజామాబాద్, వెలుగు: రాజీవ్గాంధీ యువ వికాసం స్కీమ్కు ఆఫ్లైన్లో దరఖాస్తులు చేసుకునే వెసులుబాటు కల్పిస్తున్నట్టు కలెక్టర్ రాజీవ్గాంధీ హనుమంతు తెలిపారు. ఎంపీడీవో, మున్సిపల్ ప్రజాపాలన సెంటర్లలో రెడీగా పెట్టిన దరఖాస్తులలో వివరాలు ఎంటర్ చేసి అందించాలన్నారు. మంగళవారం ఆయన మీడియాకు ప్రకటన రిలీజ్ చేశారు.
క్యాస్ట్, ఇన్కమ్ సర్టిఫికెట్లతో పాటు ఆధార్, పాన్కార్డు, పాస్ పోర్టు సైజ్ ఫొటో, ఫోన్ నంబర్తో పాటు అప్లికేషన్లు అందజేయాలన్నారు. ఇది వరకు ఆన్లైన్లో అప్లై చేసుకున్న వారు కొత్తగా ఆఫ్లైన్లో దరఖాస్తు చేయాల్సిన అవసరం లేదన్నారు. ఎస్సీ, ఎస్టీ, బీసీ, మైనార్టీ, ఓబీసీ, ఈబీసీ వర్గాలు స్కీమ్కు అర్హులన్నారు. ప్రభుత్వం ఈనెల 14 వరకు రాజీవ్ యువ వికాసం అప్లికేషన్ల గడువు పొడిగించిన సంగతి తెలిసిందే.
ఇవాళ సర్వాయి పాపన్న వర్థంతి
సర్దార్ సర్వాయి పాపన్నగౌడ్ వర్థంతి, దొడ్డి కొమురయ్య జయంతి వేడుకలను బుధవారం అధికారికంగా నిర్వహించనున్నామని కలెక్టర్ రాజీవ్గాంధీ తెలిపారు. ఉదయం 9 గంటలకు వినాయక్ నగర్ వద్ద గల హనుమాన్ జంక్షన్లో సర్వాయి పాపన్న గౌడ్ వర్థంతి ప్రొగ్రాం తరువాత పదిన్నర గంటలకు కలెక్టరేట్లో దొడ్డి కొమురయ్య జయంతి నిర్వహిస్తామన్నారు.
