ముంబై: ఓలా ఎలక్ట్రిక్ మొబిలిటీ ఏప్రిల్–-జూన్ క్వార్టర్లో రూ. 347 కోట్ల కన్సాలిడేటెడ్ నష్టాన్ని నమోదు చేసింది. ఎక్స్ఛేంజ్ ఫైలింగ్ ప్రకారం, 2023 ఏప్రిల్-–జూన్ కాలంలో కంపెనీకి రూ. 267 కోట్ల నష్టం వచ్చింది. తాజా క్వార్టర్లో కార్యకలాపాల ద్వారా ఆదాయం రూ.1,644 కోట్లు కాగా, గత జూన్ క్వార్టర్లో రూ.1,243 కోట్లు వచ్చాయి. ఖర్చులు రూ.1,461 కోట్ల నుంచి రూ.1,849 కోట్లకు పెరిగాయని బెంగళూరుకు చెందిన ఈ సంస్థ తెలిపింది. ఈ నెల ప్రారంభంలో కంపెనీ మార్కెట్‌‌‌‌లో లిస్ట్అయింది. ఈ క్వార్టర్లో కంపెనీ అత్యధికంగా 1,25,198 యూనిట్ల ఎలక్ట్రిక్ స్కూటర్లను డెలివరీ చేసింది.
