జగిత్యాల టౌన్, వెలుగు: తన కొడుకు మృతిపై అనుమానాలు ఉన్నాయని, నాలుగు నెలలుగా చెప్పులు అరిగేలా పోలీసుల చుట్టూ తిరుగుతున్నా పట్టించుకోవడం లేదని కొడిమ్యాల మండల కేంద్రానికి చెందిన కొమాకుల దేవమ్మ సోమవారం జగిత్యాల జిల్లా కలెక్టరేట్లో నిర్వహించిన ప్రజావాణిలో ఫిర్యాదు చేసింది. అడిషనల్కలెక్టర్ దివాకరను కలిసి అర్జీ అందజేసింది.
ఈ సందర్భంగా దేవమ్మ మీడియాతో మాట్లాడుతూ.. కొందరు వ్యక్తులు తీవ్ర ఇబ్బందులకు గురిచేయడంతోనే తన కొడుకు రాజేశం సూసైడ్చేసుకున్నాడని ఆరోపించారు. కొడుకు మృతిపై అనుమానాలు ఉన్నాయని నాలుగు నెలలుగా పోలీసులు చుట్టూ తిరుగుతున్నానని వాపోయారు. సూసైడ్నోట్లో రాజేశం నలుగురు పేర్లు రాశాడని, పోలీసులు కనీసం వారిని ఎంక్వైరీ చేయలేదని ఆవేదన వ్యక్తం చేశారు.
ఎలాంటి చర్యలు తీసుకోకుండా ఎస్సైలు కాలయాపన చేస్తున్నారని ఆరోపించారు. కాగా కొడిమ్యాల మండల కేంద్రానికి చెందిన రాజేశం కొన్నేళ్లుగా కరీంనగర్లో రియల్ ఎస్టేట్ బిజినెస్ చేస్తుండేవాడు. ఓ భూ వివాదంలో కొందరు బెదిరింపులకు గురిచేయడంతో ఈ ఏడాది ఏప్రిల్ 18న కొండగట్టు గుట్ట ప్రాంతంలో రాజేశం ఉరి వేసుకున్నాడు.
మృతుని జేబులో నలుగురు పేర్లను ప్రస్తావిస్తూ రాసిన సూసైడ్లెటర్దొరికింది. దీంతో తన కొడుకు మృతిపై అనుమానాలు ఉన్నాయని, కారణమైన వ్యక్తులపై చర్యలు తీసుకోవాలని దేవమ్మ నాలుగు నెలలుగా పోరాడుతోంది.
