ఓంకారం .. ఇది వేదాల్లో ప్రధాన బీజాక్షరం. ఓం అనే బీజాక్షరాన్ని పవిత్రమైన చిహ్నంగా పరిగణిస్తారు. ధ్వని మంత్రంగా వేదాల్ల ఓంకారానికి చాలా ప్రాముఖ్యత ఉంది. ఓంకారం అనేది అకార, ఉకార, మకార శబ్దములతో ఏర్పడినది. ఓంకారానికి ఆధ్యాత్మికంగా ఇంత గుర్తింపు ఉంటే.. ఇక యోగా, ధ్యానం చేసేటప్పుడు ఓంకారం జపిస్తారు. మరో విషయమేమిటంటే .. ఓం అనే బీజాక్షరాన్ని ప్రతి రోజు 15 నిమిషాలు చదివితే.. రక్తపోటు ( బీపీ) తో పాటు... చాలా వ్యాధులను దూరం చేస్తుందని పరిశోధకులు అంటున్నారు.
ఓం .. ప్రధాన బీజాక్షరం. ఈ ఓంకారాన్ని యోగా, ధ్యానం చేసే సందర్భంలో పఠిస్తుంటారు. ఓం కారం జపించడం వల్ల.. ఎన్నో ప్రయోజనాలు ఉన్నాయని వేదాలు చెబుతున్నాయి. ఓంకారం జపిస్తే.. మానసికంగా, శారీరకంగా ఎన్నో ప్రయోజనాలు ఉన్నాయని చెబుతున్నారు.
చాలామంది ప్రశాంతత కోసం నిశ్శబ్దాన్ని కోరుకుంటారు. ఆనందం కోసం శబ్ద రూపంలో సంగీతాన్ని ఆస్వాదిస్తుంటారు. పంచభూతాల్లో శబ్దం ఎప్పటి నుంచో ఉందని పండితులు చెబుతారు. ఆ శబ్దం ఆకాశం నుంచి వస్తుంది. శబ్దానికి ఆధారం ఓంకారం.
ALSO READ | Holi 2025 : హోలీ ఫెస్టివల్ 14న లేక 15వ తేదీనా.. పండుగ ఎప్పుడు జరుపుకోవాలి.. వివాదం ఎందుకు..?
నిజానికి ఓంకారం ప్రతి దేహంలో ఉంటుంది. ఓం.. అని శబ్దం చేయగానే, ఆ తరంగాలతో దేహం పులకితమవుతుంది.
ఓం.... అన్నది మంత్రం కాదు.. మత సంబంధమైనది అసలే కాదు.. వేదాల్లో నిక్షిప్తమైన ఓంకార నాదం మానవ ఆరోగ్య రహస్యానికి ఒక సూత్రం.
ప్రాచీన కాలంలో రుషులు వాతావరణ ప్రతికూల పరిస్థితులను తట్టుకుని ఉపవాస దీక్షల్లో కూడా ఆరోగ్యవంతంగా ఉండటం వెనుక ఓంకార నాదమే రహస్యం. ఓంకారం ఉచ్చరించడం వల్ల చాలా ఆరోగ్య ప్రయోజనాలున్నాయి.
నాభిలోంచి లయబద్దంగా ఓంకార పదాన్ని పలకగలిగితే మానవుడి ఆరోగ్యం సక్రమంగా ఉంటుంది.
- ఓంకారం పదిహేను నిమిషాల పాటు ఉచ్ఛరించగలిగితే రక్తపోటు తగ్గుతుంది.
- రక్త ప్రసరణ సక్రమంగా జరిగి గుండె బాగా పనిచేస్తుంది.
- మానసిక అలసట, అలజడి తగ్గి ప్రశాంతత కలుగుతుంది.
- ఊపిరితిత్తుల పనితీరు మెరుగుపడుతుంది.
- జీర్ణక్రియ సవ్యంగా సాగుతుంది.
- కిడ్నీ వ్యవస్థ మంచిగా పనిచేస్తుంది.
- థైరాయిడ్ పనితీరును క్రమబద్ధం చేస్తుంది. ఓంకారంలో ఉన్న మహత్యం ఇదే..
–వెలుగు, లైఫ్–
