అయిజ, వెలుగు: పట్టణంలోని కర్నూల్– రాయచూరు చౌరస్తాలో మున్సిపాలిటీ పర్మిషన్ లేకుండా నిర్మిస్తున్న కట్టడాలను శుక్రవారం మున్సిపల్ అధికారులు కూల్చివేశారు. పట్టణానికి చెందిన ఓ వ్యాపారి 11 ఇండ్ల నిర్మాణానికి పర్మిషన్ తీసుకొని, అదనంగా రెండు నిర్మాణాలు చేస్తున్నట్లు పట్టణానికి చెందిన పలువురు మున్సిపాలిటీ లో ఫిర్యాదు చేసి, హైకోర్టును ఆశ్రయించారు.
హైకోర్టు ఉత్తర్వుల మేరకు మున్సిపల్ అధికారులు అక్రమ కట్టడాలను కూల్చివేశారు. శాంతినగర్ సీఐ శివశంకర్ గౌడ్, ఎస్ఐ నరేశ్కుమార్ ఆధ్వర్యంలో పోలీసు బందోబస్తు ఏర్పాటు చేశారు. జేసీబీతో నిర్మాణాలను కూల్చివేశారు.
