ఓ వైపు హీరోగా, మరోవైపు ప్రొడ్యూసర్‌‌గా సక్సెస్‌‌ఫుల్‌‌గా సాగుతున్నాడు నాని. ప్రస్తుతం వరుస సినిమాల్లో నటిస్తున్న నాని.. ప్రతిమూవీలోనూ తనపాత్ర డిఫరెంట్‌‌గా ఉండేలా చూసుకుంటాడు. ఇంద్రగంటి మోహనకృష్ణ దర్శకత్వంలో తెరకెక్కుతున్న ‘వి’ సినిమాలో నాని.. నెగిటివ్ పాత్రలో కనిపించనున్న సంగతి తెలిసిందే. శివ నిర్వాణ దర్శకత్వంలో చేస్తున్న‘టక్ జగదీష్’ సినిమాలో కూడా ఓ వెరైటీ రోల్ చేస్తున్నాడట. ఇందులో నాని బైపోలార్ డిజార్డర్ ఉన్న వ్యక్తిగా కనిపిస్తాడని సమాచారం.ఈ సమస్య ఉన్నవారు ఏ ఎమోషన్‌‌కి అయినా విపరీతంగా రియాక్ట్ అవుతారు. అంటే సంతోషంగా ఉన్నప్పుడు మరీ ఎక్కువగా ఎక్జయిట్‌ కావడం, బాధ కలిగితే అతిగా వర్రీ అవడం లాంటివి అన్నమాట. రీతూవర్మ, ఐశ్వర్యరాజేష్ హీరోయిన్లుగా నటిస్తున్న ఈ చిత్రాన్ని సాహుగార‌పాటి, హ‌రీష్ పెద్ది నిర్మిస్తున్నారు. తమన్ సంగీతం అందిస్తున్నాడు. నలభై శాతం షూటింగ్ పూర్తయింది. తర్వాత రాజ‌మండ్రి, పొల్లాచ్చి షెడ్యూల్స్‌ ప్లాన్ చేసుకుంటే.. క‌రోనా రూపంలో ఆటంకం ఏర్పడింది. త్వరలోనే ప్లాన్స్ అన్నీ రీషెడ్యూల్ చేసి షూటింగ్ తిరిగి మొదలు పెట్టాలని చూస్తున్నారు. ఈ మూవీలో జగపతిబాబు, నాజర్, రావురమేష్, నరేష్, మురళీశర్మ తదితరులు కీలకపాత్రలు పోషిస్తున్నారు. ఆల్రెడీ‘భలేభలే మగాడివోయ్’చిత్రంలో మతిమరుపు ఉన్నవాడిగా అదరగొట్టేశాడు నాని. అందుకే మరొక డిజార్డర్ తో రానున్నాడనే వార్త ఆసక్తిని రేపుతోంది.
For More News..
