పరకాల, వెలుగు: హనుమకొండ జిల్లా నడికూడ మండలం కంఠాత్మకూరులో సెల్ఫీ సరదా ఓ స్టూడెంట్ ప్రాణం తీసింది. దామెర ఎస్సై ముత్యం రాజేందర్ తెలిపిన వివరాల ప్రకారం.. హనుమకొండ కిట్స్ కాలేజీలో బీటెక్ ఫస్టియర్ చదువుతున్న అబ్దుల్ షాజాద్ఖాన్, ఎస్డీ జాయద్, కాజీపేటకు చెందిన ఎండీ ఇస్మాయిల్ అనే ముగ్గురు ఫ్రెండ్స్ గురువారం కంఠాత్మకూరు మత్తడిని చూసేందుకు వచ్చారు.
మత్తడి వద్ద ముగ్గురూ సెల్ఫీ తీసుకుంటుండగా ఇస్మాయిల్(18) పాకురుతో జారి కింద పడ్డాడు. ఫ్రెండ్స్ కాపాడేందుకు ప్రయత్నించినా ఫలితం లేకపోయింది. సమాచారం అందుకున్న పోలీసులు డెడ్ బాడీని బయటకు తీశారు.
