రంగారెడ్డి జిల్లా, మైలార్దేవ్పల్లిలో పరిధిలో లారీ బీభత్సం సృష్టించింది. బైకుపై వెళ్తున్న వారిని వెనుక నుంచి ఢీకొట్టింది. ఈ ఘటనలో ఒకరు అక్కడిక్కడే మృతి చెందగా.. మరొకరికి తీవ్ర గాయాలయ్యాయి.
పోలీసులు తెలిపిన వివరాల ప్రకారం, అత్తాపూర్‌కు చెందిన రాజు అనే వ్యక్తి మరొకరితో కలిసి బైక్‌పై చాంద్రాయణగుట్ట వైపు పయనిస్తున్నారు. వీరి వాహనం దుర్గా నగర్ చౌరస్తా వద్దకు రాగానే వెనుక నుంచి లారీ ఢీకొట్టింది. ఈ ఘటనలో రాజు స్పాట్‌లోనే చనిపోగా.. వెనుక కూర్చుకున్న వ్యక్తి కి తీవ్ర గాయాలయ్యాయి. స్థానికులు అంబులెన్స్ సాయంలో గాయపడిన వ్యక్తిని ఆసుపత్రికి తరలించారు. ఆయన పరిస్థితి విషమంగా ఉన్నట్లు తెలుస్తోంది.
సమాచారం అందుకున్న పోలీసులు సంఘటనా స్థలానికి చేరుకొని వివరాలు సేకరిస్తున్నారు. అతి వేగమే ప్రమాదానికి కారణమని పోలీసులు ప్రాథమికంగా అనుమానిస్తున్నారు. కేసు నమోదు చేసి దర్యాప్తు చేస్తున్నట్లు పోలీసులు తెలిపారు.
