కామారెడ్డి, వెలుగు: స్వతంత్ర భారత వజ్రోత్సవాల్లో భాగంగా జిల్లాలో 5.26 లక్షల మొక్కలు నాటాలని ప్రభుత్వం నిర్దేశించిందని, ఇందులో భాగంగా ప్రతీ పంచాయతీలో వెయ్యి చొప్పున మొక్కలు నాటాలని కలెక్టర్ జితేశ్ వి పాటిల్ఆఫీసర్లకు ఆదేశించారు. బుధవారం కలెక్టరేట్లో హరితహారం, పండ్ల తోటల పెంపకంపై జరిగిన మీటింగ్లో ఆయన మాట్లాడుతూ.. స్కూల్స్లో చింత, మునగ, వెలగ, ఉసిరి మొక్కలు నాటాలని, ప్రతీ ఇంటికి అయిదు రకాల ఔషధ మొక్కలు పంపిణీ చేయాలని సూచించారు. ఉపాధి హామీ పథకం కింద జిల్లాలో వెయ్యి ఎకరాల్లో పండ్ల తోటలు పెంచేలా టార్గెట్ పెట్టుకున్నట్లు చెప్పారు. జడ్పీ సీఈవో సాయాగౌడ్, డీఆర్డీవో సాయన్న, ఎంపీడీవోలు, ఏపీవోలు పాల్గొన్నారు.
ఈనెల 21న ఓటర్లిస్ట్ డ్రాఫ్ట్ నోటిఫికేషన్
ఈ నెల 21న ఓటరు లిస్ట్ డ్రాఫ్ట్ నోటిఫికేషన్ వెలువడనున్నట్లు కలెక్టర్ జితేశ్ వి పాటిల్ తెలిపారు. బుధవారం పొలిటికల్ లీడర్లతో జరిగిన మీటింగ్లో ఆయన మాట్లాడుతూ.. అక్టోబర్1 నాటికి 18 ఏండ్లు నిండే వారు ఓటరుగా నమోదు చేసుకోవాలన్నారు. ఓటర్ల నమోదు కోసం ఈ నెల 26, 27, సెప్టెంబర్2,3 తేదీల్లో ప్రత్యేక నమోదు ప్రోగ్రామ్స్ నిర్వహించనున్నట్లు చెప్పారు. అక్టోబర్ 4న ఫైనల్ ఓటర్ లిస్ట్రిలీజ్ చేస్తామన్నారు.
