- ఈ నెల 30 వరకు పొడిగించిన వాటర్బోర్డు
- నెల రోజుల్లో రూ.49కోట్ల బిల్లులు వసూలు
హైదరాబాద్సిటీ, వెలుగు: వాటర్ బోర్డు అమలు చేస్తున్న వన్ టైం సెటిల్మెంట్(ఓటీఎస్) పథకాన్ని మరో నెల రోజులు పొడిగించింది. ఈ నెల 30 వరకు పథకం అందుబాటులో ఉంటుందని, సిటీ ప్రజలు వినియోగించుకోవాలని బోర్డు ఎండీ అశోక్రెడ్డి సూచించారు.
ఓటీఎస్స్కీంను పొడిగించాలని వినియోగదారుల నుంచి రిక్వెస్టులు పెరగడంతో ఈ నిర్ణయం తీసుకున్నామని చెప్పారు. ఓటీఎస్ద్వారా అక్టోబర్ 31 వరకు బోర్డుకు రూ.49 కోట్ల ఆదాయం వచ్చిందని, 70,335 మంది వినియోగదారులు సద్వినియోగం చేసుకున్నారని తెలిపారు.
నీటి బిల్లుల మొండి బకాయిలు వసూలు చేసేందుకు వాటర్బోర్డు ఓటీఎస్స్కీంను తీసుకొచ్చింది. ఎలాంటి ఆలస్య రుసుము, వడ్డీ లేకుండా చెల్లించే అవకాశాన్ని కల్పించింది. మొదట అక్టోబర్ 1 నుంచి 31 వరకు స్కీం అమలులో ఉంటుందని ప్రకటించగా, దసరా, దీపావళి వంటి పండుగ సందర్భంగా జనం పెద్దగా వినియోగించుకోలేకపోయారు. దీంతో స్కీంను నవంబర్ 30 వరకు పొడిగించింది.
