మార్కెట్లో అనేక ఫోల్డెబుల్స్మార్ట్ఫోన్స్ ఉన్నాయి. స్మార్ట్ఫోన్ తయారీ సంస్థలు కూడా వీటిపై ఎక్కువగానే ఫోకస్ చేస్తున్నాయి. అయితే.. వన్ప్లస్ సంస్థకు ఈ సెగ్మెంట్లో ఇంకా ఒక్క మోడల్ కూడా లేదు. ఈ లోటును భర్తీ చేసేందుకు వన్ప్లస్ ఓపెన్ అనే పేరుతో ఒక ఫోల్డెబుల్ ఫోన్ను త్వరలో లాంచ్ చేయనుంది. ఈ డివైజ్ అక్టోబర్ నెలలోనే లాంచ్ అవుతుందని వార్తలు వస్తున్నాయి. ఈ నేపథ్యంలో ఈ గ్యాడ్జెట్వివరాలను ఓసారి చూద్దాం..
కొత్త స్మార్ట్ఫోన్ ఫీచర్స్ ఇవేనా..?
పలు లీక్స్, నివేదికల ప్రకారం.. వన్ప్లస్ ఓపెన్లో ఇన్వర్డ్ ఫోల్డింగ్ డిజైన్ ఉంటుంది. టాప్ సెంటర్డ్ పంచ్ హోల్ కటౌట్, సైడ్ ఫేసింగ్ ఫింగర్ప్రింట్ సెన్సార్లు.. లోపలి భాగంలో రైట్- అలైండ్ పంచ్ హోల్ రానుంది. అల్యుమీనియం ఫ్రేమ్, గొరిల్లా గ్లాస్ ప్రొటెక్షన్ వంటివి లభించొచ్చు.
ఈ ఫోల్డెబుల్ స్మార్ట్ఫోన్లో ఫీచర్లు
7.82 ఇంచ్ క్యూహెచ్డీ+ అమోలెడ్ మెయిన్ డిస్ప్లే
6.31 ఇంచ్ ఫుల్ హెచ్డీ+ అమోలెడ్ ఔటర్ స్క్రీన్
డివైజ్లో 48ఎంపీ ప్రైమరీ, 48ఎంపీ అల్ట్రా వైడ్, 64ఎంపీ పెరిస్కోపిక్ కెమెరా సెటప్
స్నాప్డ్రాగన్ 8 జెన్ 2 ఎస్ఓసీ చిప్సెట్
16జీబీ ర్యామ్- 256జీబీ స్టోరేజ్ వేరియంట్
ఆండ్రాయిడ్ 14 ఆధారిత ఆక్సీజెన్ ఓఎస్ సాఫ్ట్వేర్పై పనిచేస్తుందని తెలుస్తోంది. 4,800ఎంఏహెచ్ బ్యాటరీ దీని సొంతం.
వన్ప్లస్ ఓపెన్ ఫోల్డెబుల్ స్మార్ట్ఫోన్ ధర రూ. 1.20లక్షలుగా ఉండొచ్చని అంచనా.
