ధర్మసాగర్, వెలుగు: హనుమకొండ జిల్లా ధర్మసాగర్ మండలంలో దేవాదుల 3వ పేజ్ టన్నెల్ లీకేజీ వద్ద మరమ్మతు పనులు కొనసాగుతున్నాయి. టన్నెల్, పైప్ లైన్ జాయింట్ వద్ద మేజర్ లీకేజీ కావడంతో మరమ్మతులు చేయడానికి డీ వాటరింగ్ చేస్తున్నారు. ఈ విషయమై ఇరిగేషన్ ఏఈ ని వివరణ కోరగా, ఇది ట్రయల్రన్ మాత్రమేనని ట్రయల్రన్ ద్వారా నీటిని కొద్దిగా విడుదల చేస్తున్నామన్నారు.
25శాతం సామర్థ్యం నీటి విడుదలతో లోపాలు తెలిశాయని ఇలాంటి లోపాలు పిక్స్చేశాక, పూర్తిగా నీటిని వదులుతామని తెలిపారు. సోమవారం సాయంత్రం పెద్ద జెనరేటర్ తీసుకొచ్చి 15హెచ్ పీ మోటర్లు బిగించి నీటిని వేగంగా తొలగించడానికి సన్నాహాలు చేస్తున్నామని, సోమవారం అర్థరాత్రి వరకు డీ వాటరింగ్ పూర్తవుతుందని తెలిపారు.
