న్యూఢిల్లీ: ఆన్ లైన్ పాస్ పోర్టు సేవలు నాలుగు రోజుల పాటు అందుబాటులో ఉండవని కేంద్ర ప్రభుత్వం తెలిపింది. పాస్పోర్టు సేవా పోర్టల్ మెయింటెనెన్స్ కారణంగా బుకింగ్స్ నిలిపివేస్తున్నామని, అపాయింట్మెంట్లను రీషెడ్యూల్ చేస్తామని వెల్లడించింది. ఈమేరకు కేంద్ర విదేశాంగ శాఖ గురువారం ప్రకటన విడుదల చేసింది. ‘‘టెక్నికల్ మెయింటెనెన్స్ కారణంగా పాస్పార్టు సేవా పోర్టల్ ఈ నెల 29న రాత్రి 8 గంటల నుంచి సెప్టెంబర్ 2న ఉదయం 6 గంటల వరకు అందుబాటులో ఉండదు. ఈ నెల 30 కోసం బుక్ చేసుకున్న అపాయింట్మెంట్లన్నీ రీషెడ్యూల్ అవుతాయి” అని ప్రకటనలో పేర్కొంది. కాగా, కొత్త పాస్ పోర్టులు, రెన్యూవల్ కోసం ముందుగా పాస్పోర్టు సేవా పోర్టల్లో అపాయింట్మెంట్ బుక్ చేసుకుని.. ఆ తర్వాత ఆఫీసుకు వెళ్లాల్సి ఉంటుంది.
