తెలంగాణలో కరోనా కేసులు తీవ్రంగా విజృంభిస్తున్నాయి. దీంతో జీహెచ్ఎంసీ కరోనా పై కీలక నిర్ణయం తీసుకుంది. కరోనా వ్యాక్సిన్ తీసుకున్న వారిని మాత్రమే GHMC కార్యాలయాల్లో ప్రవేశానికి అనుమతి ఇవ్వాలని , ఈ నెల 15వ తేదీ నుంచి ఈ నిబంధనను అమలు చేయాలని నిర్ణయించింది. ఇదిలా వుండగా ఎల్బీనగర్ జోన్ బల్దియా కార్యాలయం తో పాటు సర్కిల్ కార్యాలయాల ఎదుట కరోనా వ్యాక్సిన్ తీసుకున్న వారికి మాత్రమే లోనికి అనుమతి ..అంటూ ఫెక్సీలను ఏర్పాటు చేశారు. ఈ నెల 15వ తేదీ లోగా బల్దియా ఉద్యోగులు, సిబ్బంది అందరూ వ్యాక్సిన్ చేయించుకోవాలని సూచించారు. కార్యాలయంలో పనుల కోసం వచ్చే పౌరులు కూడా వ్యాక్సిన్ చేయించుకోవాలని జీహెచ్ఎంసీ కమిషనర్ లోకేష్ కుమార్ ఆదేశాలు జారీ చేశారు.
