ఓపెన్ ఏఐ సంస్థ.. చాట్ జీపీటీ హోమ్ పేజీలో కొత్తగా సెర్చ్ ఆప్షన్ ఫీచర్ కనిపించబోతోంది. అందులో క్రికెట్ స్కోర్, న్యూస్, స్టాక్స్ వంటి ఇన్ఫర్మేషన్ను పొందొచ్చు. చాట్ జీపీటీ.కామ్ వెబ్సైట్తో పాటు మొబైల్ యాప్లోనూ అందుబాటులో ఉంటుంది. ప్రస్తుతం చాట్జీపీటీ ప్లస్, టీమ్ యూజర్లు, సెర్చ్ జీపీటీ వెయిట్ లిస్ట్ యూజర్లకు మాత్రమే అందుబాటులో ఉంది. ఎంటర్ ప్రైజెస్, ఎడ్యుకేషనల్ యూజర్లు కొన్ని వారాల్లో ఈ సెర్చ్ ఆప్షన్ని వాడుకునే అవకాశం కల్పిస్తుంది. చాట్జీపీటీని ఫ్రీగా వాడేవాళ్లకు కూడా మరికొన్ని నెలల్లో ఈ ఫీచర్ అందుబాటులోకి వస్తుందని కంపెనీ తెలిపింది.
చాట్జీపీటీలో ఇప్పటివరకు ఏదైనా అడిగితే.. డేటాబేస్లో ఉండే ఇన్ఫర్మేషన్ మాత్రమే అందించేది. ఇకపై ఏవైనా ప్రశ్నలు అడిగితే.. వెబ్లో అందుబాటులో ఉన్న సమాచారాన్ని కూడా అందించనుంది. దాని తర్వాత అడగబోయే ప్రశ్నలకు సమాధానం ఇస్తుంది. క్లైమేట్, స్టాక్స్, స్పోర్ట్స్, న్యూస్, మ్యాప్స్ కోసం ఓపెన్ ఏఐ కంపెనీ.. ఫైనాన్షియల్ టైమ్స్, టైమ్ మ్యాగజైన్, బిజినెస్ ఇన్సైడర్ వంటి కంపెనీలతో కలిసి పనిచేయనుంది.
