ఓపెన్ ఏఐ కంపెనీ చాట్జీపీటీ కొత్త ఫీచర్ పరిచయం చేసింది. దానిపేరు ‘టాస్క్స్’. ఈ ఫీచర్ ద్వారా యాక్షన్స్, రిమైండర్స్ వంటివి షెడ్యూల్ చేసుకోవచ్చు. అంతేకాకుండా ఆన్లైన్లో టికెట్స్ కొనొచ్చు. సేల్స్ జరిగేటప్పుడు గుర్తు చేసేలా ఆప్షన్ సెట్ చేసుకోవచ్చు. అలాగే వారంలో వచ్చిన వార్తలను క్లుప్తంగా అందిస్తుంది. దాంతోపాటు రోజువారీ వాతావరణ మార్పుల గురించి అప్డేట్స్ వంటివి కూడా తెలుసుకోవచ్చు.
ఇలా వాడాలి
ఈ ఫీచర్ని ఉపయోగించేందుకు సబ్స్క్రయిబర్లు అందుబాటులో ఉన్న మోడల్స్ నుంచి ‘40 విత్ షెడ్యూల్డ్ టాస్క్స్’ ను సెలక్ట్ చేసుకోవాలి. తర్వాత చాట్జీపీటీలో చేయాల్సిన పనులు, టైంని టైప్ని చేయాలి. దాంతో ఈ ఫీచర్ మీ చాట్ల ఆధారంగా సూచనలు అందిస్తుంది. అయితే, వీటిని యాక్సెప్ట్ లేదా డిక్లైన్ చేసే అవకాశం కూడా ఉంది. అన్ని టాస్క్లను నేరుగా చాట్ థ్రెడ్లలో లేదా ప్రొఫైల్ మెనూలోని టాస్క్స్ సెక్షన్ ద్వారా మేనేజ్ చేయొచ్చు. అంతేకాదు.. గూగుల్ అసిస్టెంట్, యాపిల్ సిరి, అమెజాన్ అలెక్సా వంటి వాటికి పోటీగా వర్చువల్ అసిస్టెంట్ తీసుకురావాలని ఆలోచిస్తోంది. ప్రస్తుతం ఈ ఫీచర్ బీటా యూజర్లకు అందుబాటులో ఉంది.
