హనుమకొండ, వెలుగు: తెలంగాణ ఉద్యమ చరిత్రను నేటి తరానికి తెలియజెప్పాల్సిన అవసరముందని ఎమ్మెల్సీ, దీక్షాదివస్ హనుమకొండ జిల్లా ఇన్చార్జ్ వాణీదేవి అన్నారు. ఈనెల 29న నిర్వహించనున్న దీక్షా దివస్సన్నాహక సమావేశాన్ని మంగళవారం వరంగల్ బాలసముద్రంలోని బీఆర్ఎస్హనుమకొండ జిల్లా ఆఫీస్లో మాజీ చీఫ్విప్ దాస్యం వినయ్భాస్కర్ అధ్యక్షతన నిర్వహించారు.
ఈ సందర్భంగా వాణీదేవి మాట్లాడుతూ.. స్వరాష్ట్ర సాధన ఉద్యమంలో ఓరుగల్లుది కీలక పాత్ర అని పేర్కొన్నారు. దీక్షా దివస్ సందర్భంగా ఉద్యమ చరిత్రను తెలిపేలా ఫొటో ఎగ్జిబిషన్పెట్టాలన్నారు. అమ‌‌‌ర‌‌‌‌వీరులు, ఉద్యమకారులను సన్మానించాలన్నారు. స్వరాష్ట్ర సాధనకు బీఆర్ఎస్ కృషిని మ‌‌‌‌రోసారి తెలియ‌‌‌‌జేయాలని, దీక్షా దివస్విజయవంతం చేయాలని ఆమె పిలుపునిచ్చారు. సమావేశంలో మాజీ ఎమ్మెల్యేలు చల్లా ధర్మారెడ్డి, వొడిత‌‌‌‌ల స‌‌‌‌తీష్ బాబు, నేతలు పాల్గొన్నారు.
