ఆస్కార్ అవార్డులు–2025లో ప్రియాంకా చోప్రా నిర్మించిన అనూజ షార్ట్ ఫిల్మ్ బెస్ట్ లైవ్ యాక్షన్ షార్ట్ ఫిల్మ్ కేటగిరీలో చోటు దక్కించుకున్నది. ఈ కేటగిరీలోనే అనూజతోపాటు ఏలియన్, ఐయామ్ నాట్ ఏ రోబో, ది లాస్ట్ రేంజర్, ఏ మ్యాన్ హూ వుడ్ నాట్రిమైన్ సైలెంట్ సినిమాలు ఉన్నాయి.
ఈ ఐదింటిలో విజేతను ఆస్కార్ అవార్డుల వేడుకలో ప్రకటిస్తారు. లాస్ ఏంజెలెస్లోని డాల్బీ థియేటర్ వేదికగా మార్చి 2న జరగనున్న 97వ ఆస్కార్ అవార్డులు–2025 వేడుకలో ప్రదానం చేయనున్నారు.
ఈ షార్ట్ ఫిల్మ్ను ప్రియాంకా చోప్రా, గునీత్ మోంగా నిర్మించగా, ఆడమ్ జే గ్రావ్స్ దర్శకత్వం వహించారు. గునీత్ మోంగాకు ఇది మూడో ఆస్కార్ఎంట్రీ. ఇంతకుముందు నిర్మించిన ది ఎలిఫెంట్ విస్పర్స్, పీరియడ్: ఎండ్ఆఫ్ సెంటెన్స్ సినిమాలు ఆస్కార్ అవార్డులు గెలుచుకున్నాయి.
అనూజ చిత్రంలో బాల కార్మికుల జీవితాల్లోని చీకటి కోణాన్ని ఆవిష్కరించారు. దుస్తుల ఫ్యాక్టరీలో పనిచేసే అనూజ అనే 9ఏండ్ల బాలిక, ఆమె అక్క పాలక్ చుట్టూ ఈ సినిమా తిరుగుతుంది.
