ఓయూ, వెలుగు: ఉస్మానియా యూనివర్సిటీ ఆవరణలో ధర్నాలు, ఆందోళనలు, నిరసనలు, నినాదాలను నిషేధిస్తూ అధికారులు సర్క్యులర్జారీ చేశారు. వర్సిటీ నిబంధనలను అతిక్రమిస్తే చర్యలు తీసుకుంటామని హెచ్చరించారు. కాగా సర్క్యులర్ ను వెంటనే వెనక్కి తీసుకోవాలని బీఆర్ఆర్ఎస్ వీ రాష్ట్ర కార్యదర్శి జంగయ్య డిమాండ్చేశారు. నినాదాలు కూడా నిషేధితమని సర్క్యులర్ ఇచ్చిన ఏకైక నియంతృత్వ ప్రభుత్వం రేవంత్ రెడ్డిది అని విమర్శించారు.
తాజా సర్క్యులర్పై ప్రొఫెసర్లు హరగోపాల్, కోదండరాం, విశ్వేశ్వరరావు, తెలంగాణ మేధావులు స్పందించాలని కోరారు. వర్సిటీ సర్క్యులర్ను తాము తీవ్రంగా వ్యతిరేకిస్తున్నట్లు ఏబీవీపీ నగర కార్యదర్శి పృథ్వీతేజ తెలిపారు. ప్రశ్నించే హక్కును వర్సిటీ అధికారులు హరిస్తున్నారన్నారు.
