కేస్ క్లోజ్ అయ్యిందా!
టైటిల్ : అమల
డైరెక్షన్ : నిశద్ ఇబ్రహీం
కాస్ట్ : అనార్కలీ మరికర్, శ్రీకాంత్, అప్పని శరత్, రజీష విజయన్
లాంగ్వేజ్ : మలయాళం, తెలుగు, తమిళం
ప్లాట్ ఫాం : అమెజాన్ ప్రైమ్
మొన్ననే ‘పోర్ తొళిల్’ అనే తమిళ సినిమాకి రెస్పాన్స్ బాగా వచ్చింది. అదే జానర్లో మలయాళంలో ‘అమల’ అనే సినిమా రిలీజ్ అయింది. ఇందులో ఒక సైకో కిల్లర్ వరుస హత్యలు చేస్తుంటాడు. ఆ మర్డర్ కేసుల్ని డీల్ చేయడానికి పోలీస్ ఆఫీసర్ అక్బర్ (శ్రీరామ్) ప్రయత్నిస్తుంటాడు. అయితే ఈ కథ అన్ని సైకోపాత్ మూవీస్లా కాకుండా కొంచెం డిఫరెంట్గా ఉంటుంది. అనార్కలి మరికర్ పర్ఫార్మెన్స్, పోలీస్ ఆఫీసర్గా శ్రీరామ్ నటన బాగుంది. బాసిల్ క్యారెక్టర్లో అప్పని శరత్ బాగానే చేశాడు. సైకో కిల్లర్ ఇచ్చే ట్విస్ట్లు పర్లేదు అనిపించినా, పోలీస్ ఆఫీసర్ ఇంటెలిజెన్స్ మాత్రం పెద్దగా కనిపించదు. హంతకుడి గతానికి, ప్రెజెంట్కి కనెక్షన్ ఏంటి? ఒక సైకో కిల్లర్ కేస్ని పోలీస్ ఆఫీసర్ ఎలా సాల్వ్ చేశాడు? అనేది స్టోరీ. కానీ, ఈ సినిమాలో పెద్దగా చెప్పుకోదగ్గ సస్పెన్స్, థ్రిల్లర్ ఎలిమెంట్స్ ఏం లేవు. స్క్రిప్ట్, స్ర్కీన్ ప్లే, డైరెక్షన్ యావరేజ్. సినిమాటోగ్రఫీ బాగుంది. బ్యాక్గ్రౌండ్ మ్యూజిక్ పర్వాలేదు. దీనికి సెకండ్ పార్ట్ కూడా ఉందట!
షజమ్ పవర్స్ ఎవరి సొంతం?
టైటిల్ : షజమ్ - ఫ్యూరి ఆఫ్ ది గాడ్స్
డైరెక్షన్ : డేవిడ్ శాండ్బర్గ్
కాస్ట్ : జచరీ లెవీ, ఆడమ్ బ్రాడీ, మార్తా మిలాన్స్, రేచల్ జెగ్లెర్, హెలెన్ మిర్రెన్, మేగన్ గుడ్, లూసీ, జెయొఫ్ జాన్స్, పీటర్ శాఫ్రన్
లాంగ్వేజ్ : తెలుగు, ఇంగ్లీష్
ప్లాట్ ఫాం : జియో సినిమా
‘షజమ్’ సినిమాకి ఇది సీక్వెల్. ఒక మంత్రగాడు పవర్ఫుల్ గ్రీక్ దేవుళ్ల నుంచి శక్తుల్ని దొంగిలించి వాళ్లు బయటకు రాకుండా ట్రాప్ చేస్తాడు. కానీ, గ్రీక్ దేవుళ్లలో అత్యంత శక్తివంతమైన దేవుడు అట్లాస్. ఆయన స్వర్గాన్ని తన చేతులతో మోస్తూ ఉంటాడని చెప్తారు. అయితే అలాంటి శక్తివంతమైన దేవుడి ముగ్గురు కూతుళ్లు ట్రాప్ నుంచి బయటకు వస్తారు. ఆ ముగ్గురు తమ పవర్స్ని తీసుకోవడానికి ప్రయత్నిస్తుంటారు. శక్తులు పొందిన బిల్లీ, తన ఫ్యామిలీగా చెప్పే తన గ్రూప్ మెంబర్స్ అందరూ టీనేజర్స్. శక్తుల్ని ఉపయోగించేటప్పుడు మాత్రం వాళ్లు పెద్దవాళ్లుగా మారుతుంటారు. అలా వాళ్లు తమ టీనేజ్ లైఫ్ని, అడల్ట్ సూపర్ హీరో ఫామ్ని రెండింటినీ బ్యాలెన్స్ చేయడం నేర్చుకుంటుంటారు. అట్లాస్ ముగ్గురి కూతుళ్లను బిల్లీ, తన ఫ్యామిలీ ఎలా ఎదుర్కొన్నారు? షజమ్ ఫ్యామిలీకి ఏం జరిగింది? అట్లాస్ కూతుళ్లు తయారుచేయాలనుకునే వెపన్ ఏంటి? అనే విషయాలు తెలియాలంటే సినిమా చూడాల్సిందే. యాక్షన్, ఎమోషన్స్ ఫస్ట్ మూవీలో ఉన్నట్లే సీక్వెల్లోనూ ఉన్నాయి. డైరెక్షన్, మ్యూజిక్ బాగున్నాయి.
ఆ నలుగురు నవ్విస్తారు
టైటిల్ : గన్స్ అండ్ గులాబ్స్ (వెబ్ సిరీస్)
డైరెక్షన్ : రాజ్ నిడిమోరు, కృష్ణ డీకే
కాస్ట్ : రాజ్ కుమార్ రావ్, దుల్కర్ సల్మాన్, ఆదర్శ్ గౌరవ్, గుల్షన్ దేవయ్య, శ్రేయా ధన్వంతరి, పూజా గోర్, సతీష్ కౌశిక్, వరుణ్ బడోల
లాంగ్వేజ్ : హిందీ, తెలుగు, ప్లాట్ ఫాం : నెట్ ఫ్లిక్స్
టిప్పు (రాజ్ కుమార్ రావ్) గులాబ్ గంజ్లో బైక్ మెకానిక్. టిప్పు రెండు హత్యలు చేస్తాడు. దొరికిపోతాడనే భయంతో ఆ ఊరి నుంచి పారిపోవాలనుకుంటాడు. గాంచీ (సతీశ్) అనే ధనవంతుడు స్మగ్లింగ్ చేయిస్తుంటాడు. అతని కొడుకు చోటా గాంచీ (ఆదర్శ్ గౌరవ్) తండ్రిలా అవ్వాలని, గుర్తింపు కోసం తపన పడుతుంటాడు. నార్కోటిక్స్ ఆఫీసర్ అర్జున్ వర్మ (దుల్కర్ సల్మాన్) చాలా స్ట్రిక్ట్ పోలీస్ ఆఫీసర్. గులాబ్ గంజ్లో స్మగ్లింగ్ చేసే గ్యాంగ్లను పట్టుకోవడానికి ప్రయత్నిస్తుంటాడు. చార్ కట్ ఆత్మారాం అనే కిల్లర్ పాత్రలో గుల్షన్ దేవయ్య నటించాడు. టిప్పు పారిపోయాడా? లేదా? చోటా గాంచీ లక్ష్యం నెరవేరుతుందా? ఆఫీసర్ అర్జున్ స్మగ్లర్స్ని ఎలా పట్టుకుంటాడు? చార్ కట్ ఆత్మారాంకి ఈ కథకు లింక్ ఏంటి? వంటి విషయాలన్నీ తెలియాలంటే సిరీస్ చూడాల్సిందే. ఇందులో గుల్షన్ దేవయ్య క్యారెక్టర్, యాక్టింగ్ బాగున్నా... స్క్రీన్ టైం తక్కువైంది. అడల్ట్ కంటెంట్ లేదు. కానీ, డైలాగ్స్లో కొన్ని చోట్ల వాడిన భాష వినడానికి ఇబ్బందిగా ఉంటుంది. రన్ టైం చాలా ఎక్కువ అనిపిస్తుంది.
