పాము కాటుతో ఓయూలో ఔట్ సోర్సింగ్ ఉద్యోగిని మృతి చెందింది. కవిత అనే కాంట్రాక్ట్ ఉద్యోగిని లేడీస్ హాస్టల్లో వంట చేస్తుండగా పాటు కాటు వేసింది. దీంతో ఆమె వెంటనే దగ్గరలోని హాస్పిటల్కు వెళ్లి కుటుంబ సభ్యులకు సమాచారం అందించారు. నోటి నుంచి నురగ, రక్తం వస్తున్నా ఆస్పత్రి సిబ్బంది పట్టించుకోకపోవడంతో వేరే హాస్పిటల్కు వెళ్లారు. వారు సైతం ట్రీట్మెంట్ చేయకపోవడంతో చివరకు గాంధీ ఆస్పత్రికి చేరుకునేలోపు కవిత కన్నుమూశారు.
పాము కరిచిన విషయాన్ని ఓయూ అధికారులు, కాంట్రాక్టర్ దృష్టికి తీసుకెళ్లినా పట్టించుకోలేదన్న ఆరోపణలు వినిపిస్తున్నాయి. విషయం బయటకు రాకుండా హాస్టల్ సిబ్బంది, కాంట్రాక్టర్లు జాగ్రత్త పడినట్లు తెలుస్తోంది. లేడీస్ హాస్టల్ లో పలు చోట్ల ఉన్న బొరియల్లో పాములు ఉన్నాయని పలుమార్లు ఫిర్యాదు చేసినా పట్టించుకోలేదని సమాచారం. ఇదిలా ఉంటే తన భార్య మృతికి కారణమైన ఓయూ అధికారులపై చర్యలు తీసుకోవాలంటూ మృతురాలు కవిత భర్త పోలీస్ స్టేషన్ లో కంప్లైంట్ చేశారు. మరోవైపు కవిత మృతి విషయం తెలిసిన విద్యార్థి సంఘాలు, పలు రాజకీయ పార్టీల నేతలు ఓయూ హాస్టల్ వద్దకు చేరుకొని నిరసన చేపట్టారు. రూ.50 లక్షల పరిహారంతో పాటు ఆమె కుటుంబంలో ఒకరికి ఉద్యోగం ఇవ్వాలని డిమాండ్ చేస్తున్నారు.
