ఐపీఎల్ 18లో భాగంగా శుక్రవారం (ఏప్రిల్4) లక్నోలోని ఏకనా స్టేడియంలో ముంబై ఇండియన్స్, లక్నో సూపర్ జెయింట్స్ తలపడ్డ విషయం తెలిసిందే. చివరి బంతి వరకు ఉత్కంఠభరితంగా సాగిన ఈ మ్యాచులో చివరికి అతిథ్య లక్నో జట్టు అద్భుత విజయాన్ని సాధించింది. లక్నో బౌలర్స్ శార్థుల్ ఠాగూర్, అవేశ్ ఖాన్ చివర్లో అద్భుతమైన బౌలింగ్తో జట్టుకు విజయాన్ని అందించారు. ఇదిలా ఉంటే.. లక్నో ఇన్సింగ్స్లో ఓ ఆసక్తికర పరిణామం చోటు చేసుకుంది.
గాయం కారణంగా ఈ మ్యాచుకు దూరమైన రోహిత్.. గ్రౌండ్లోలోకి దిగకుండానే ముంబైకి వికెట్ సాధించి పెట్టాడు. అదేలాగంటే.. ఈ మ్యాచులో టాస్ ఓడి తొలుత బ్యాటింగ్కు దిగిన లక్నోకు అద్భుతమైన ఆరంభం దక్కింది. పవర్ ప్లేలో లక్నో ఓపెనర్స్ మార్ష్, మార్కరం పరుగుల వరద పారించారు. దీంతో లక్నో భారీ స్కోర్ దిశగా పయణిస్తోంది. ఈ క్రమంలో మార్ష్ ఔట్ కావడంతో క్రీజులోకి వచ్చిన డేంజరస్ ప్లేయర్ నికోలస్ పూరన్ మిచెల్ సాంట్నర్ వేసిన 8వ ఓవర్‌లో సిక్స్, ఫోర్ కొట్టి జోరు మీద ఉన్నాడు.
Also Read:-న్యూజిలాండ్‌తో వైట్ వాష్.. కోపంతో అభిమానులని కొట్టబోయిన పాక్ క్రికెటర్
పూరన్ విధ్వంసకరంగా మారతుండటంతో డగౌట్లో కూర్చొన్న రోహిత్ శర్మ.. ముంబై కెప్టెన్ పాండ్యాకు ఒక అద్భుతమైన సలహా ఇచ్చాడు. దూకుడు మీద ఉన్న పూరన్ను ఔట్ చేసేందుకు స్లో బాల్స్, ఆఫ్ కట్టర్స్ వేయాలని హిట్ మ్యాన్ సూచించాడు. ఇన్సింగ్స్ తొమ్మిదో ఓవర్ వేసిన పాండ్యా.. రోహిత్ చెప్పినట్లుగానే నికోలస్ పూరన్కు స్లో-బాల్ బౌన్సర్‌ వేశాడు. ఈ బంతిని భారీ షాట్ ఆడబోయిన పూరన్ క్యాచ్ ఔట్ అయ్యాడు.
తన ప్లాన్ వర్క్ ఔట్ కావడంతో డగౌట్లో కూర్చొన్న రోహిత్ శర్మ స్మైల్ ఇచ్చాడు. ఈ వీడియో సోషల్ మీడియాలో వైరల్గా మారింది. దీంతో రోహిత్ శర్మ ఫాన్స్ సంతోషం వ్యక్తం చేస్తున్నారు. ‘వాడు ఎక్కడున్నా రాజేరా’ అంటూ కామెంట్స్ చేస్తూ హిట్ మ్యాన్పై పొగడ్తలు కురిపిస్తున్నారు. మొత్తానికి రోహిత్, పాండ్యా వ్యూహాత్మకంగా ఔట్ చేయడంతో నికోలస్ పూరన్ 12 పరుగులకే పెవిలియన్ చేరాడు.
Rohit Sharma gave advice of slower ball during the timeout & then Hardik Pandya dismissed Nicholas Pooran on slower ball.
— Khel Cricket (@Khelnowcricket) April 4, 2025
Rohit Sharma making impact even without playing. #LSGvMI #LSGvsMI #TATAIPL pic.twitter.com/wDKlfdLctu
