భద్రాచలం, వెలుగు : పెండింగ్లో ఉన్న తమ ఏడు నెలల వేతనాలను వెంటనే చెల్లించాలని గురువారం భద్రాచలం ఏరియా ఆసుపత్రి ఎదుట కాంట్రాక్టు, ఔట్సోర్సింగ్ కార్మికులు ధర్నా చేశారు. హాస్పిటల్కాంట్రాక్టు శానిటేషన్, సెక్యూరిటీ, పేషెంట్ కేర్ ల్యాబ్ వర్కర్స్ యూనియన్(సీఐటీయూ) ఆధ్వర్యంలో ఆందోళన నిర్వహించారు. ఈ సందర్భంగా వారు మాట్లాడుతూ పెండింగ్ వేతనాలు వెంటనే చెల్లించకపోతే ఈనెల 17 నుంచి నిరవధిక సమ్మె చేపడుతామని హెచ్చరించారు.
కనీస వేతనం రూ.21వేలు, ఉద్యోగ భద్రత, ఈఎస్ఐ, పీఎఫ్, రూ.10లక్షల బీమా ఇవ్వాలని డిమాండ్ చేశారు.ఆసుపత్రి సూపరింటెండెంట్ డాక్టర్ రామకృష్ణకు వినతిపత్రం అందజేశారు. సీఐటీయూ నాయకులు గడ్డం స్వామి, బాలనర్సారెడ్డిలతో పాటు వర్కర్స్ లీడర్లు రమా, కృష్ణ, కుమారీ, రమణ, మమత, వరలక్ష్మి తదితరులు పాల్గొన్నారు.
