చియాన్ విక్రమ్ (Chiyaan Vikram) హీరోగా విభిన్న చిత్రాల దర్శకుడు పా.రంజిత్‌ (Pa Ranjith) దర్శకత్వంలో తెరకెక్కిన తంగలాన్ (Thangalaan) సినిమా విజయవంతంగా థియేటర్లలలో కొనసాగుతోంది. కర్ణాటకలోని కోలార్ గోల్డ్‌ ఫీల్డ్స్‌ కార్మికుల జీవితాల ఆధారంగా రూపొందిన ఈ సినిమాలో విక్రమ్ గిరిజన తెగ నాయకుడి పాత్రలో కనిపించాడు.
కథ, క్యారెక్టర్, లుక్స్ పరంగా విభిన్న పాత్రలో విక్రమ్ కనిపించి ఆకట్టుకున్నాడు. ఇక రోజురోజుకూ చియాన్ విక్రమ్ పెర్ఫార్మెన్స్ కి ప్రేక్షకులు ఫిదా అవుతున్నారు. ఈ నేపథ్యంలో తాజాగా తంగలాన్ సినిమాకు థియేటర్స్ పెంచారు మేకర్స్. రిలీజైన ఫస్ట్ వీక్ కంటే రెండో వారానికి ఏకంగా 141 థియేటర్స్ పెరిగాయని మేకర్స్ పోస్టర్ ద్వారా వెల్లడించారు. దీనిని బట్టి తెలుగు రాష్ట్రాలలో తంగలాన్ సినిమాకి పెరుగుతోన్న ఆదరణ ఈ స్థాయిలో ఉందో అర్ధం చేసుకోవొచ్చు. కాగా, మొదటి వారం తంగలాన్ మూవీ 251 థియేటర్స్ లో రిలీజ్ అయ్యింది.ఇక ఇప్పుడు 141 థియేటర్స్ యాడ్ చేయడంతో రెండో వారం నాటికి ఆ సంఖ్య 391కి పెరిగింది. దీంతో ఈ సినిమా కలెక్షన్స్ మరింత పెరిగే అవకాశం ఉంది.
The celebrations keep growing!
— Studio Green (@StudioGreen2) August 23, 2024
Over 140 screens added across Andhra Pradesh and Telangana for our #Thangalaan 💫🤩
Watch it now in cinemas near you 🎫 https://t.co/aFyx3NkXl0 #ThangalaanRunningSuccessfully @Thangalaan @chiyaan @beemji @GnanavelrajaKe #StudioGreen… pic.twitter.com/A8dB5DdEac
తంగలాన్ మూవీ ఆగస్ట్ 15న ఇండిపెండెన్స్ డే సందర్భంగా రిలీజైన విషయం తెలిసిందే. అదే రోజు తెలుగులో రెండు బడా సినిమాలు, హిందీలో మూడు సినిమాలు రిలీజైనా..తమిళంలో మాత్రం ఈ సినిమాకు పోటీ ఇచ్చే సినిమా లేకపోయింది. ఇది కూడా తంగలాన్ కు కలిసి వచ్చింది. దీంతో ఈ మూవీకి రానున్న రోజుల్లో మరిన్ని కలెక్షన్స్ పెరిగే అవకాశం ఉంది.
