వనపర్తి, వెలుగు : త్వరలో స్థానిక సంస్థల ఎన్నికలు జరగనున్నందున ప్రతీ గ్రామాన్ని పోలీస్ ఆఫీసర్లు సందర్శించి పూర్తి స్థాయిలో నిఘా ఉంచాలని ఎస్పీ రావుల గిరిధర్సూచించారు. మంగళవారం ఎస్పీ ఆఫీసులో నేరసమీక్షా సమావేశాన్ని నిర్వహించారు. ఈ సందర్భంగా ఆయన మాట్లాడుతూ ఇసుక, పీడీఎస్రైస్ అక్రమ రవాణా, పేకాట జరగకుండా పకడ్బందీ చర్యలు చేపట్టాలన్నారు. ఎక్కువగా రోడ్డు ప్రమాదాలు జరిగే ప్రదేశాలను గుర్తించి నివారణ చర్యలు తీసుకోవాలని చెప్పారు. పెట్రోలింగ్, బ్లూ కోల్ట్స్ వాహనాలతో నిత్యం రోడ్లపై తిరుగుతూ ప్రజలకు అందుబాటులో ఉండాలని సూచించారు.
.సైబర్ నేరాల బారిన పడకుండా ప్రజలను అలర్ట్ చేయాలని చెప్పారు. అనంతరం వనపర్తి పోలీస్ఎం.టీ విభాగం, పోలీస్ ట్రాన్స్పోర్ట్ ఆర్గనైజేషన్ - హైదరాబాద్ నుంచి వచ్చిన స్పేర్ పార్ట్లు, టైర్లు, బ్యాటరీలను పోలీసులకు అందించారు. అతి వేగంతో వెళ్లకూడదని, ప్రతి ఒక్కరూ వాహనాన్ని తమ సొంత వాహనంలా చూసుకోవాలని ఆయన సూచించారు. సమావేశంలో వనపర్తి డీఎస్పీ వెంకటేశ్వరరావు, డీసీఆర్బీ డీఎస్పీ ఉమా మహేశ్వరరావు, సైబర్ క్రైమ్ డీఎస్పీ, రత్నం, పబ్లిక్ ప్రాసిక్యూటర్ గోపాల్ రెడ్డి, సీఐలు క్రిష్ణ, రాంబాబు, శివకుమార్, స్పెషల్ బ్రాంచ్ సీఐ, నరేశ్, డీసీఆర్బీ సిబ్బంది, ఐటీ కోర్ సిబ్బంది పాల్గొన్నారు.
