భద్రాచలం, వెలుగు : భద్రాచలం నుంచి అయోధ్య రామమందిరం వరకు రామపాదుకలతో పాదయాత్ర బుధవారం భద్రాచలం శ్రీసీతారామచంద్రస్వామి సన్నిధి నుంచి షురూ అయ్యింది. హైదరాబాద్ వాసి అయోధ్య భాగ్యనగర్ సీతారామ ఫౌండేషన్కు చెందిన చల్లా శ్రీనివాస శాస్త్రి రూ.91లక్షలతో 16 కిలోల బంగారు పూతతో ఈ వెండి పాదుకలకు విశాఖ శ్రీ సౌభాగ్య భువనేశ్వరీ పీఠాధిపతి శ్రీరామానంద భారతిస్వామి ఆధ్వర్యంలో ప్రత్యేక పూజలు నిర్వహించారు.
భక్తుల జయజయధ్వానాల మధ్య పాదయాత్ర మొదలైంది. నాసిక్, త్రయంబకేశ్వరం, చిత్రకూట్, ప్రయాగ మీదుగా 75 రోజుల పాటు సుమారు 2వేల కిలోమీటర్ల పాదయాత్ర జరిగి జనవరి 15న అయోధ్య చేరుకుంటుంది. 22న అక్కడి రామాలయంలో ప్రాణప్రతిష్ఠ చేయనున్నారు.
