జమ్మికుంట, వెలుగు: ప్రభుత్వ విప్గా బాధ్యతలు స్వీకరించిన పాడి కౌశిక్ రెడ్డి తొలిసారిగా జమ్మికుంట పట్టణానికి వచ్చారు. ఆబాది జమ్మికుంటలో పోచమ్మ గుడి ప్రారంభోత్సవ కార్యక్రమానికి ముఖ్య అతిథిగా హజరై బోనం ఎత్తుకున్నారు. విప్ కౌశిక్రెడ్డి వెంట జమ్మికుంట జడ్పీటీసీ డాక్టర్ శ్రీరాం శ్యాం, పలువురు వీణవంక ప్రాంతానికి చెందిన నేతలు తప్ప జమ్మికుంట, హుజురాబాద్, ఇల్లందకుంట, కమలాపూర్ ప్రాంతానికి చెందిన నేతలు ఎవరు కూడా విప్కు స్వాగతం పలకడానికి హాజరు కాకపోవడం తీవ్ర చర్చనీయాంశంగా మారింది.
లోకల్ నేతలను పట్టించుకోకపోవడంతోనే....
ఎమ్మెల్సీగా ఎన్నికైన నాటి నుంచి పాడికౌశిక్ రెడ్డి కాంగ్రెస్ పార్టీ నుంచి వచ్చి బీఆర్ఎస్లో చేరిన నేతలను తప్ప ముందు నుంచి పార్టీలో ఉన్న బీఆర్ఎస్ నాయకులను అస్సలు పట్టించుకోవడం లేదని తెలుస్తోంది. నియోజకవర్గంలో సుమారు 200 చిన్నా చితక మార్కెట్ కమిటీ చైర్మన్లు, మున్సిపాలిటీలలో కో ఆప్షన్ సభ్యులు, దేవాలయ కమిటీలు, పార్టీ పదవులు నామినేటెడ్ చేయడానికి ఉన్నా కౌశిక్ రెడ్డి చొరవ చూపడం లేదని అయన స్వార్థమే చూసుకుంటున్నారని బీఆర్ఎస్ నేతలు బాహటంగానే విమర్శలు చేస్తున్నారు.
