వరల్డ్ కప్ లో హై వోల్టేజ్ మ్యాచ్ కు రంగం సిద్ధమైంది. న్యూయార్క్ వేదికగా భారత్, పాకిస్థాన్ సమరానికి సై అంటున్నాయి. నసావు కౌంటీ ఇంటర్నేషనల్ క్రికెట్ స్టేడియం ఆతిధ్యమిస్తున్న ఈ మ్యాచ్ లో పాకిస్థాన్ టాస్ గెలిచి ఫీల్డింగ్ ఎంచుకుంది. ఇరు జట్లకు ఈ టోర్నీలో ఇది రెండో మ్యాచ్. భారత్ ఈ మ్యాచ్ తమ తొలి మ్యాచ్ లో ఐర్లాండ్ మీద గెలిస్తే..పాకిస్థాన్ న్యూయార్క్ పై ఓడిపోయింది.
ఈ మ్యాచ్ లో గెలిస్తే భారత్ సూపర్ 8 కు చేరువవుతుంది. మరోవైపు పాకిస్థాన్ అవకాశాలు సంక్లిష్టం అవుతాయి. మరి ఎవరు ఈ మ్యాచ్ లో విజయం సాధిస్తారో చూడాలి. ఈ మ్యాచ్ లో భారత్ మార్పుల్లేకుండానే బరిలోకి దిగుతుంది. మరోవైపు పాకిస్థాన్ జట్టులో అజామ్ ఖాన్ స్థానంలో ఇమాద్ వసీం వచ్చి చేరాడు.
భారత్ (ప్లేయింగ్ XI):
రోహిత్ శర్మ(కెప్టెన్), విరాట్ కోహ్లీ, రిషబ్ పంత్(వికెట్ కీపర్), సూర్యకుమార్ యాదవ్, శివమ్ దూబే, హార్దిక్ పాండ్యా, రవీంద్ర జడేజా, అక్షర్ పటేల్, జస్ప్రీత్ బుమ్రా, మహ్మద్ సిరాజ్, అర్ష్‌దీప్ సింగ్
పాకిస్థాన్ (ప్లేయింగ్ XI):
మహ్మద్ రిజ్వాన్(వికెట్ కీపర్), బాబర్ ఆజం(కెప్టెన్), ఉస్మాన్ ఖాన్, ఫఖర్ జమాన్, షాదాబ్ ఖాన్, ఇఫ్తికర్ అహ్మద్, ఇమాద్ వసీం, షాహీన్ అఫ్రిది, హరీస్ రవూఫ్, నసీమ్ షా, మహ్మద్ అమీర్
