మహబూబ్ నగర్ కలెక్టరేట్, వెలుగు: పాలమూరు సహకార అర్బన్ బ్యాంక్ లిమిటెడ్ మేనేజింగ్ కమిటీ ఎన్నికలకు షెడ్యూల్ విడుదల చేసినట్లు మహబూబ్ నగర్ సహకార శాఖ డిప్యూటీ రిజిస్ట్రార్, ఎన్నికల అధికారి టైటస్ పాల్ శనివారం ఒక ప్రకటనలో తెలిపారు. జూన్ 18 నుంచి 20 వరకు ఉదయం 10.30 నుంచి 2 గంటల వరకు నామినేషన్లు స్వీకరణ, 21న నామినేషన్ల పరిశీలన, జూన్ 22న నామినేషన్ల ఉపసంహరణ ఉంటుందన్నారు. జూన్ 27న ఉదయం 8 గంటల నుంచి సాయంత్రం 5 గంటల వరకు పోలింగ్ జరుగుతుందని వివరించారు. మేనేజింగ్ కమిటీలోని 12 మంది సభ్యుల్లో ఒకటి ఎస్సీ లేదా ఎస్టీకి, రెండు మహిళలు, 9 జనరల్ కేటగిరీకి రిజర్వ్ చేసినట్లు తెలిపారు.
