నిజామాబాద్ సిటీ, వెలుగు: నిజామాబాద్ సిటీలోని ధర్మపురి కాలనీలో ఆదివారం సాయంత్రం ఏర్పాటు చేసిన ఇఫ్తార్ విందుకు పంచాయత్ రాజ్ శాఖ మంత్రి సీతక్క, ప్రభుత్వ సలహాదారు అలీ షబ్బీర్ తో కలిసి అటెండయ్యారు. విందుకు హాజరైన ముస్లిం సోదరులను ఉద్దేశించి మాట్లాడారు. కాంగ్రెస్ప్రభుత్వం మైనార్టీల అభివృద్ధికి కృషి చేస్తుందని చెప్పారు.
ప్రభుత్వ సలహాదారు షబ్బీర్ అలీ మాట్లాడుతూ తమది సెక్యులర్ ప్రభుత్వమని, అందరిని కలుపుకొని వెళ్తామన్నారు. సీఎం రేవంత్రెడ్డి రాష్ట్రాన్ని అన్నీ రంగాల్లో అభివృద్ధి చేస్తున్నారని చెప్పారు. ఉర్దూ అకాడమీ చైర్మన్ తాహెర్బిన్హందాన్, కేశ వేణు,నరాల రత్నాకర్, హారున్, ఖుద్దూస్తదితరులు పాల్గొన్నారు.
