బోధన్, వెలుగు: బోధన్ శివారులోని పాండుఫారంలో నిర్మించిన డబుల్ బెడ్రూమ్ ఇండ్లను సోమవారం కాంగ్రెస్ లీడర్లు ముట్టడించారు. ఇండ్లపైకి ఎక్కి నిరసన తెలిపారు. ఈ సందర్భంగా వారు మాట్లాడుతూ బీఆర్ఎస్ అధికారంలోకి వచ్చాక నియోజకవర్గంలో ఒక్క ఇంటిని కూడా పేద ప్రజలకు ఇవ్వలేదని ఆరోపించారు. బోధన్ఎమ్మెల్యే షకీల్ ప్రజలకు మాయమాటలు చెప్పి మోసం చేస్తున్నారన్నారు.
నిర్మాణం చేపట్టిన ఇండ్లు వృథాగా ఉండడంతో అసాంఘిక కార్యక్రమాలు కొనసాగుతున్నాయన్నారు. ఎంతో మంది లబ్ధిదారులు డబుల్ఇండ్ల కోసం ఎదురు చూస్తున్నారని, వెంటనే ఇండ్ల పంపిణీ చేపట్టాలని డిమాండ్ చేశారు. పట్టణ సీఐ ప్రేమ్కుమార్ నాయకులను అరెస్ట్చేసి పోలీస్ స్టేషన్ తరలించారు. కార్యక్రమంలో కాంగ్రెస్పట్టణ యూత్ ప్రెసిడెంట్తలారీ నవీన్, మైనార్టీ డిస్ట్రిక్ట్ వైస్ ప్రెసిడెంట్ ఖలీమ్, లీడర్లు సాయి, కృష్ణ, సాయిలు, హైమ్మద్ తదితరులు పాల్గొన్నారు.
