పారిస్‌ ఒలింపిక్స్‌లో మరో క్రీడాకారిణిపై అనర్హత వేటు పడింది. అఫ్ఘన్ బ్రేక్‌డాన్సర్ మనీజా తలాష్‌పై నిర్వాహకులు అనర్హత వేటు వేశారు. శుక్రవారం(ఆగష్టు 09) జరిగిన ప్రీ-క్వాలిఫైయర్ బ్రేకింగ్ ఈవెంట్‌‌లో తలాష్ తన దుస్తులపై "ఫ్రీ అఫ్ఘన్ ఉమెన్" అనే నినాదాన్ని రాసుకొచ్చింది. తాలిబన్ల పాలనలో అఫ్ఘన్ మహిళలు, బాలికలు ఎదుర్కొంటున్న ఆంక్షలకు వ్యతిరేకంగా ఆమె నిరసన తెలిపింది. ఈ చర్యల కారణంగానే తలాష్‌పై అనర్హత వేటు వేసినట్లు ప్రపంచ డ్యాన్స్‌ స్పోర్ట్‌ ఫెడరేషన్‌ ఓ ప్రకటనలో తెలిపింది.
ఒలింపిక్స్‌ నిబంధనల ప్రకారం వేదికపై రాజకీయ, మతపరమైన స్లోగన్లను ప్రదర్శించడం నిషేధం. వీటిని ఉల్లంఘిస్తే, జాతీయ ఒలింపిక్ కమిటీ, అంతర్జాతీయ సమాఖ్య, అంతర్జాతీయ ఒలింపిక్ కమిటీ చర్చించి తగిన క్రమశిక్షణా చర్యలు తీసుకుంటాయి.
“Free Afghan women.”
— Mona Eltahawy (@monaeltahawy) August 9, 2024
Afghanistan’s first female Olympic breakdancer Manizha Talash competed at #Paris2024, the first Olympic Games where Breakdancing was included. Video via @Thibuch
pic.twitter.com/wcSw4ozE0q
అఫ్ఘనిస్తాన్ to స్పెయిన్
2021లో తాలిబన్లు అధికారంలోకి వచ్చిన తర్వాత తలాష్ ఆఫ్ఘనిస్తాన్ నుండి పారిపోయింది. ప్రస్తుతం స్పెయిన్‌లో నివసిస్తోంది. ఈ క్రమంలో ఆమె రెఫ్యూజీ టీమ్‌ (శరణార్థుల జట్టు) తరఫున ఒలింపిక్స్‌లో పాల్గొంది. కాగా, తాలిబన్ల పాలనలో అఫ్గన్ మహిళలకు స్వేచ్ఛ అంటూ లేదు. అన్నింటా ఆంక్షలు విధించారు. మహిళలు ఇంటినుంచి బయటకు వెళ్లాలన్నా పక్కన ఓ పురుషుడు ఉండాల్సిందే. లేదంటే బహిరంగగానే శిక్షిస్తారు. ఈ పరిస్థితులను తెలియజేస్తూ తలాష్ ఇలా ప్రదర్శించింది.
