మరికల్, వెలుగు : గ్రామసభల ద్వారా పేదలందరికీ సంక్షేమ పథకాలు అందించేందుకు పార్టీ కార్యకర్తలు కృషిచేయాలని నారాయణపేట ఎమ్మెల్యే పర్నికారెడ్డి సూచించారు. సోమవారం మండల కేంద్రంలో కృతజ్ఞత సభకు ఆమె ముఖ్య అతిథిగా వచ్చారు. పార్టీ శ్రేణులు పని చేస్తేనే.. పేదలకు పథకాలు అందుతాయన్నారు. గ్రామాల్లో నెలకొన్న సమస్యలను దశల వారీగా పరిష్కరించేందుకు కృషిచేస్తామని హమీ ఇచ్చారు.
గ్రామసభలను విపక్షాలు అడ్డుకునే ప్రయత్నాలను తిప్పికొట్టాలని కార్యకర్తలకు సూచించారు. మరికల్లోని 449 సర్వేనంబర్ ప్రభుత్వ భూమి బాధితులు తమ సమస్యను పరిష్కరించాలని ఎమ్మెల్యేకు వినతి పత్రం ఇచ్చారు. ఈ కార్యక్రమంలో మండలాధ్యక్షుడు బి.వీరణ్ణ, ఓబీసీ జిల్లా చైర్మన్ గొల్ల కృష్ణయ్య, సూర్యమోహన్రెడ్డి, కాంగ్రెస్ మండల మహిళ అధ్యక్షురాలు వినితమ్మ పాల్గొన్నారు.
